Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Dicemba

“Andũ aingĩ nĩ metagĩrĩra gũcoka kwa Jesu. Jesu angĩcoka ta ũmũthĩ-rĩ, nĩ ũndũ ũrĩkũ ũngĩenda agwĩkĩre?” Eterera acokie. Muonie karatathi ka mũthia ka Mũrangĩri wa Dicemba 1, na mwarĩrĩrie ũhoro ũrĩa ũrĩ rungu rwa kĩũria kĩa mbere na rĩandĩko na arĩ rĩmwe rĩa marĩa monanĩtio. Mũtigĩre ngathĩti icio, na mũbange ũgaacoka mwarĩrĩrie kĩũria kĩrĩa kĩrũmĩrĩire.

Mũrangĩri Dicemba 1

“Andũ marĩ na mĩhangʼo mĩingĩ mũno thikũ ici nginya ũgakorũo ũrĩ ũndũ mũritũ gwĩciria igũrũ rĩgiĩ Ngai. Hihi wee nĩ ũkuona ta arĩ ũndũ wa bata twĩciragie ũhoro wĩgiĩ Ngai ũtũũro-inĩ witũ? [Eterera acokie.] Mahunjio-inĩ ma Kĩrĩma-inĩ marĩa moĩkaine mũno, Jesu oigire atĩ nĩ tũbataraga ũtongoria wa Ngai nĩguo tũgĩe na gĩkeno kĩa ma. [Thoma Mathayo 5:6.] Ngathĩti ĩno nĩ yonanĩtie maũndũ matatũ matũmaga tũbatare gwĩciria ũhoro wĩgiĩ Ngai.”

Amkeni! Dicemba

“Andũ aingĩ nĩ metĩkagia maũndũ marĩa marathoma kana maigua na nyũmba cia mohoro. Hihi nĩ ũkuona ta mohoro marĩa tũiguaga makoragwo marĩ ma kwĩhokeka? [Eterera acokie.] Bibilia nĩ yonanagia bata wa gwĩciria maũndũ marĩa tũraigua tũtanametĩkia. [Thoma Ayubu 12:11.] Ngathĩti ĩno nĩ yonanĩtie maũndũ mamwe mangĩtũteithia gwĩciria mohoro marĩa tũrathoma na tũkaigua, nĩguo tũmenye kana nĩ ma kwĩhokeka.”