Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Janũarĩ

“O andũ nĩ marĩ mawoni mao makoniĩ Ngai. Amwe meciragia atĩ Ngai nĩ kĩriga. Angĩ mamuonaga arĩ Ithe wao wa igũrũ ũrĩ wendo. Hihi wee wĩciragia Ngai ahaana atĩa?” Eterera acokie. Muonie ngothi ya thutha ya Mũrangĩri wa Janũarĩ 1, na mwarĩrĩrie ũhoro ũrĩa ũrĩ rungu rwa kĩũria kĩa mbere na rĩandĩko rĩmwe rĩa marĩa monanĩtio. Mũtigĩre ngathĩti na ũbange gũcoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Janũarĩ 1

Rĩrĩa mũndũ twendete akua-rĩ, ithuothe nĩ tũhutagio mũno nĩ ũndũ ũcio. Hihi nĩ ũgwĩtĩkania na niĩ atĩ nĩ ũkoragwo ũrĩ ũndũ mũritũ mũno kũhiũrania na gĩkuũ kĩa mũrata kana kĩa mũndũ wa famĩlĩ? [Eterera acokie.] Andũ aingĩ nĩ mekĩrĩtwo ngoro mũno nĩ rĩandĩko rĩrĩ. [Thoma Isaia 25:8.] Ngathĩti ĩno nĩ ĩrataarĩria kĩĩranĩro kĩa Bibilia atĩ gĩkuũ nĩ gĩkaninwo na endwa aitũ arĩa makuĩte mariũkio.”

Amkeni! Janũarĩ

“Hihi nĩ ũgwĩtĩkania na niĩ atĩ famĩlĩ nĩ ikoragwo na mathĩna maingĩ ũmũthĩ? [Eterera acokie.] Thimo ĩno ya Bibilia nĩ ĩratuonia ũrĩa famĩlĩ ciagĩrĩirũo gwĩka nĩguo ihote kwĩhanda. [Thoma Thimo 24:3.] Andũ aingĩ nĩ monete atĩ Bibilia nĩyo ĩkoragwo na ũũgĩ ũrĩa ũngĩtũteithia. Ngathĩti ĩno ĩrataarĩria Rĩarĩro rĩa mwanya rĩrĩa rĩkoragwo na ũhoro wa Bibilia ũtarĩhagio wa gũteithia famĩlĩ.”