Video Njerũ ya Kwambĩrĩria Wĩruti wa Bibilia
Video nguhĩ ĩrĩ na kĩongo “Wagĩrĩirũo Kwĩruta Bibilia Nĩkĩ?” nĩ ĩrakinyĩra andũ aingĩ kũgerera Rĩarĩro riitũ rĩa jw.org/ki. Muoroto wa video ĩyo nĩ gwĩkĩra ngoro arĩa manyotagĩra ũhoro wa ma, metĩkĩre kwĩruta Bibilia na ithuĩ hatarĩ marĩhi. No yoneke Rĩarĩro-inĩ riitũ, rungu rwa “Hoya Wĩruti wa Bibilia,” kana mũndũ angĩhingũra kodi ĩrĩa ĩrĩ na thutha wa trakti citũ njerũ. Njĩra imwe cia ũrĩa tũngĩhũthĩra video ĩyo, nĩ ciarĩrĩirio haha.
Rĩrĩa ũracokera andũ, no ũrie mwene nyũmba ũũ: “No wende nguonie video nguhĩ ĩrataarĩria ũrĩa ũngĩona macokio ma ciũria iria igũtangaga ciĩgiĩ Bibilia?” Angĩtĩkĩra no ũmuonie video ĩyo ũkĩhũthĩra thimũ kana kompiuta.
Ũkĩheana ĩmwe ya trakti icio njerũ, onia mũndũ ũrĩa ũrahunjĩria kodi ĩrĩa ĩrĩ na thutha wa trakti ĩyo, na ũmũteithie ũrĩa angĩmĩhingũra akĩhũthĩra thimũ. Nĩ ũndũ mũhũthũ gũthaaka video ĩyo hĩndĩ o ĩyo ũrahunjia, tondũ thiomi-inĩ nyingĩ kodi ĩyo ĩgũtwaraga ĩmwe kwa ĩmwe harĩ video ĩyo.
No wĩre arĩa mũrutaga wĩra nao, arĩa mũthomaga nao, andũ a famĩlĩ, kana andũ angĩ ũĩ, ũhoro wa video ĩyo o na kana ũmonie. Ningĩ no ũmatũmĩre e-mail ĩronania harĩa mangĩona video ĩyo, nĩguo merorere.
Tũngĩhũthĩra mũbango ũyũ wega, nĩ tũkũgĩa na arutwo aingĩ a Bibilia, na tũhote gũteithia “arĩa mahũtagĩra maũndũ marĩa ma ũthingu.”—Mat. 5:6.