Kwagagĩria Ũtungata Witũ—Kũhaarĩria Ciugo cia Kwambĩrĩria Ndeereti

Ũndũ Ũcio nĩ wa Bata Nĩkĩ? Ũhoro witũ wa kwambĩrĩria ũngĩaga gũkenia ũrĩa tũrahunjĩria, no arege gũtũthikĩrĩria o na tũtamũheete ndũmĩrĩri itũ. Nĩkĩo ahunjia aingĩ monaga ciugo cia kwambĩrĩria ndeereti, irĩ cia bata mũno rĩrĩa marahunjia. O na gũtuĩka Ũtungata wa Ũthamaki na Kutoa Sababu nĩ ikoragwo na cionereria cia ũrĩa ũngiuga, cionereria icio itikoragwo na ciugo ciothe iria tũngĩhũthĩra, kwoguo ahunjia no mongerere ciugo ingĩ iria mekuona ciagĩrĩire. O na cionereria icio ingĩkorũo na ũhoro wothe ũrĩa tũngiuga, ahunjia no magarũre ciugo kana mahaarĩrie ciao. Tũngĩka ũguo, no tũgĩe na moimĩrĩro mega, gũkĩra kwĩra mwene nyũmba ũndũ tũtahaarĩrĩirie.—Thim. 15:28.