Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Septemba

“Andũ aingĩ nĩ metĩkĩtie nĩ kũrĩ araika. Wee nĩ wĩtĩkĩtie? [Eterera acokie.] Tondũ araika nĩ ciũmbe cia kĩĩroho, nĩ marĩ hinya mũingĩ mũno. Nĩ ũkuona ta mangĩtũteithia? Bibilia nĩ ĩtwĩraga ũrĩa mateithagia andũ mahinda-inĩ maya.” Muonie ngothi ya na thutha ya Mũrangĩri wa Septemba 1, na mwarĩrĩrie ũhoro ũrĩa ũrĩ rungu rwa kĩũria kĩa mbere, mũcoke mũthome o na akorũo no rĩandĩko rĩmwe rĩa marĩa monanĩtio. Mũtigĩre ngathĩti, na ũbange rĩrĩa ũgacoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Septemba 1

“Hihi nĩ ũkuona ta andũ mathũkĩtie thĩ ũndũ ĩtangĩthondekeka? [Eterera acokie.] O na gũtuĩka andũ matingĩhota kũmĩthondeka kũrĩa mamĩthũkĩtie, Bibilia ĩtwĩraga atĩ Ngai no ahote na nĩ eriragĩria mũno kũmĩthondeka. Ũguo nĩguo Bibilia yugaga thĩinĩ wa Thaburi 65:9. [Thoma.] Ngathĩti ĩno yarĩrĩirie ũrĩa Ngai agaathondeka thĩ na ũrĩa tũngĩka nĩguo tũgaakenera irathimo cia mahinda marĩa maroka. Hihi no wende ngũtigĩre ũmĩthome?”

Amkeni! Septemba

“Andũ aingĩ nĩ monaga makĩrutithio wĩra mũingĩ gũkĩria njano nĩ arĩa mamandĩkĩte na makaigua maritũhĩirũo mũno. Ataramu moigaga atĩ kũruta wĩra mũingĩ gũkĩria njano no gũtũme mũndũ agĩe na mathĩna ma kĩĩmwĩrĩ na ma kĩĩmeciria. Ũgwĩciria nĩ kĩĩ kĩngĩteithia mũndũ ndakagĩe na mathĩna macio? [Eterera acokie.] Haha harĩ na rĩandĩko rĩega mũno rĩa Bibilia. [Thoma Kohelethu 4:6.] Ngathĩti ĩno yarĩrĩirie maũndũ mana marĩa tũngĩka nĩguo twĩtheme kũruta wĩra mũingĩ gũkĩria njano.”