Gũtaarĩria Wĩtĩkio Witũ Wĩgiĩ Mwaka wa 1914

Maandĩko matwĩkĩraga ngoro tũikare ‘twĩhaarĩirie gũcokeria mũndũ o wothe’ igũrũ rĩgiĩ wĩtĩkio witũ, ‘tũhoreire, na twĩ na gĩtĩo.’ (1 Pet. 3:​15) Ũhoro wa ma nĩ atĩ, rĩngĩ na rĩngĩ no tuone arĩ ũndũ mũritũ gũtaarĩria ma ndikĩru cia Bibilia, ta ũrĩa tũmenyaga atĩ Ũthamaki waambĩrĩirie gwathana mwaka wa 1914. Gĩcunjĩ kĩrĩ na kĩongo “Ndeereti Hamwe na Mũira wa Jehova​—Ũthamaki wa Ngai Waambĩrĩirie Gwathana-rĩ?” kĩrĩ na icunjĩ igĩrĩ irũmanĩrĩire ihaarĩrĩirio nĩguo itũteithie ũndũ-inĩ ũcio. Icunjĩ icio igakorũo ngathĩti-inĩ cia Mũrangĩri iria tũkahũthĩra ũtungata-inĩ mweri wa Oktomba na Novemba. Ũgĩthuthuria icunjĩ icio, geria gũcokia ciũria ici irũmĩrĩire ikoniĩ njĩra ya Paul ya kũhunjia. Paul nĩ mũhunjia ũrĩa ũrĩ gĩcunjĩ-inĩ kĩu.

Ahotire atĩa . . .

• kũhũthĩra njĩra ya gũcokeria mũndũ ngatho nĩguo magĩe na ũndũ mekũiguithanĩria?​—Atũm. 17:22.

• kuonania wĩnyihia agĩtaarĩria wĩtĩkio wake?​—Atũm. 14:15.

Nĩkĩ nĩ ũndũ mwega atĩ . . .

• nĩ athiaga agĩcokeraga maũndũ marĩa agweta mbere ya kwarĩrĩria maũndũ mangĩ?

• nĩ athiaga agĩtithagia kwa ihinda, na agacoka akoria mwene nyũmba kana nĩ ataũkĩrũo nĩ maũndũ marĩa marĩrĩria?

• ndageririe kwarĩrĩria ũhoro mũingĩ gĩikaro-inĩ kĩmwe?​—Joh. 16:12.

Nĩ tũcokagĩria Jehova ngatho mũno, arĩ we ‘mũrutani witũ mũnene’ nĩ ũndũ wa gũtũruta ũrĩa tũngĩtaarĩria ma ndikĩru cia Bibilia kũrĩ arĩa macihũtagĩra!​—Isa. 30:20.