MŨTHITHŨ KUUMA KIUGO-INĨ KĨA NGAI | THABURI 45-51

Jehova Ndangĩira Ngoro Ĩrĩa Ĩthuthĩkĩte

Daudi agĩthumbũrũo nĩ thamiri thutha wa kũigua ngerekano ya gĩtonga kĩrĩa kĩoire kamwatĩ ka mũndũ mũthĩni

Thaburi 51 yaandĩkirũo nĩ Daudi thutha wa kwĩrũo nĩ mũnabii wetagwo Nathani ũhoro wĩgiĩ mehia maritũ marĩa eekĩte na Bathi-Sheba. Daudi nĩ aathumbũrirũo nĩ thamiri, na akiumbũra mehia make enyihĩtie.—2Sa 12:1-14.

O na gũtuĩka Daudi nĩ eehĩtie, nĩ angĩagĩire na hinya wa kĩĩroho rĩngĩ

51:3, 4, 8-12, 17

Atanoimbũra mehia make na atanerira, thamiri yake nĩ yatũmĩte eigue atarĩ kĩene
Aiguaga ũũru mũno nĩ ũndũ wa kũregwo nĩ Ngai, ũũ atĩ eiguaga ta mahĩndĩ make mahehenjetwo
Eeriragĩria kuoherũo, kũgĩa na hinya kĩĩroho, na gũcokererũo nĩ gĩkeno kĩrĩa aarĩ nakĩo mbere
Aathaithire Jehova enyihĩtie amũteithie kũgĩa na ngoro ĩrĩ na wathĩki
Aarĩ na ma atĩ Jehova nĩ ekũmuohera