Teithia Ciana Ciaku Ikũrie Wĩtĩkio Mũrũmu Harĩ Mũũmbi

Ũũmbi nĩ wonanagia riri wa Jehova. (Thab 19:1-4; 139:14) O na kũrĩ ũguo, thĩ ĩno ya Mũcukani ĩgathagĩrĩria morutani ma kwagĩra Ngai gĩtĩo megiĩ kĩhumo kĩa muoyo. (Ro 1:18-25) Ũngĩka atĩa nĩguo ũrigĩrĩrie morutani ta macio matikagĩe mĩri thĩinĩ wa meciria na ngoro cia ciana ciaku? Mateithie kuuma marĩ o anini makũrie wĩtĩkio atĩ Jehova arĩ kuo na nĩ amarũmbũyagia marĩ mũndũ ũmwe ũmwe. (2Ko 10:4, 5; Ef 6:16) Mateithie kweheria morutani marĩa marutanagwo cukuru na ũhũthĩre indo ĩrĩa tũheagwo gũkinyĩra ngoro ciao.​—Thi 20:5; Jak 1:19.

THAAKAI VIDEO ANDŨ A RIIKA RĨAKU MAROIGA—WĨTĨKIO HARĨ NGAI, MŨCOKE MWARĨRĨRIE CIURIA ICI:

• Nĩ ũndũ ũrĩkũ wa maheeni wĩgiĩ Ngai andũ metĩkĩtie?

• Nĩ maũndũ marĩkũ marutanagwo kwanyu cukuru?

• Nĩ kĩĩ gĩtũmaga wĩtĩkie biũ atĩ Jehova arĩ kuo?

• Ũngĩteithia mũndũ atĩa nĩguo amenye atĩ Ngai nĩwe wombire indo ciothe?