Nyĩmbo cia Ũthamaki nĩ Itũteithagia Kũgĩa na Ũmĩrĩru

Paulo na Sila nĩ maainĩire Ngai, hĩndĩ ĩrĩa marĩ njera. (Atũ 16:25) Nao Akristiano bũrũri-inĩ wa Njĩrĩmani nĩ mainaga nyĩmbo cia Ũthamaki marĩ kambĩ-inĩ ya Sachsenhausen hĩndĩ ya Nazi, na marĩ ithamĩrio-inĩ Siberia. Ngerekano icio iratuonia ũrĩa nyĩmbo ingĩhota gũteithia Akristiano kũgĩa na ũũmĩrĩru rĩrĩa marangʼethera moritũ.

Ica ikuhĩ thiomi ingĩ o na cio nĩ ikũgĩa na ibuku rĩerũ rĩa rwĩmbo rĩĩtagwo Inĩrai Jehova Mũkenete. Twagĩa narĩo, no tũgerie kũiga ciugo cia nyĩmbo icio meciria-inĩ maitũ na njĩra ya kwĩmenyeragia hĩndĩ ya ũthathaiya wa famĩlĩ. (Ef 5:19) Naguo roho mũtheru nĩ ũrĩtũteithagia gũciririkana hĩndĩ ĩrĩa twacemania na magerio. Nyĩmbo cia Ũthamaki no itũteithie kũiga meciria harĩ kĩĩrĩgĩrĩro gitũ. No itũũmĩrĩrie hĩndĩ ĩrĩa tũrĩ rungu rwa moritũ. Ningĩ hĩndĩ ĩrĩa tũrĩ acanjamũku, ciugo icio njega nĩ itũmaga ‘tũine tũkenete’ tondũ ngoro citũ irĩ na gĩkeno. (1Maũ 15:16; Thab 33:1-3) Na githĩ tũtikĩagĩrĩirũo kwĩrutaga biũ nyĩmbo citũ cia Ũthamaki!

WĨRORERE VIDEO RWĨMBO RŨRĨA RUOMĨRĨIRIE ARĨA MAARUTITHAGIO WĨRA MŨRITŨ. ŨCOKE ŨCOKIE CIŨRIA ICI:

• Nĩ maũndũ marĩkũ maatũmire mũrũ wa Ithe witũ Frost atunge rwĩmbo?

• Rwĩmbo rũu ruomĩrĩirie atĩa ariũ a Ithe witũ arĩa maarĩ kambĩ-inĩ ya Sachsenhausen?

• Nĩ mahinda-inĩ ta marĩkũ ũngĩkĩrũo hinya nĩ nyĩmbo cia Ũthamaki?

• Nĩ nyĩmbo irĩkũ cia Ũthamaki ũngĩenda kũiga meciria-inĩ?