Kwagagĩria Ũtungata Witũ—Gũtiga Kwĩruta Bibilia na Mũndũ Ũtareka Mogarũrũku

ŨNDŨ ŨCIO NĨ WA BATA NĨKĨ?: No mũhaka andũ makaĩre rĩĩtwa rĩa Jehova nĩguo makaahonokio. (Ro 10:13, 14) O na kũrĩ ũguo, ti andũ othe arĩa metĩkagĩra kwĩruta Bibilia mendaga gũtũũra kũringana na ithimi cia Jehova. Tũhũthagĩra mahinda maitũ wega ũtungata-inĩ na njĩra ya gũteithia andũ arĩa marenda gwĩka mogarũrũku ũtũũro-inĩ nĩguo makenie Jehova. Angĩkorũo mũrutwo wa Bibilia ndareka mogarũrũku thutha wa ihinda rĩigana ũna, nĩ wega gũtiga kwĩruta nake na tũhũthĩre mahinda maitũ gũteithia arĩa Jehova aragucĩrĩria harĩ we na harĩ ithondeka rĩake. (Joh 6:44) No angĩkorũo thutha wa ihinda mũndũ ũcio nĩ egwĩka mogarũrũku na onanie atĩ arĩ na “mwerekera ũrĩa wagĩrĩire wa kũheo muoyo wa tene na tene,” no twambĩrĩrie kwĩruta nake rĩngĩ.—Atũ 13:48.

ŨRĨA TŨNGĨKA ŨGUO:

• Mũcokerie ngatho nĩ ũndũ wa kwenda kũgĩa na ũmenyo wa ma.—1Ti 2:4

• Muonie bata wa kũhũthĩra maũndũ marĩa erutĩte.—Lu 6:46-49

• Arĩrĩriai ngerekano ya Jesu ya mũhuri wa mbeũ, ũcoke ũmũũrie ecirie nĩ kĩĩ kĩramũgirĩrĩria gwĩka mogarũrũku.—Mat 13:18-23

• Mũtaarĩrie na njĩra ya ũũgĩ kĩrĩa kĩratũma mũtige kwĩruta

• Mwĩre nĩ ũrĩmũhũũragĩra thimũ kana ũkamũceerera nĩguo ũmwĩkĩre ngoro na atĩ nĩ mũrĩambĩrĩria kwĩruta rĩngĩ eka mogarũrũku

WĨRORERE VIDEO ĨYO, ŨCOKE ŨCOKIE CIŨRIA ICI:

• Nĩ ũndũ ũrĩkũ wona ndeereti-inĩ ĩyo ũronania atĩ mũrutwo ndarakũra kĩĩroho?

• Mũhunjia ũcio ateithia mũrutwo atĩa nĩguo amenye atĩ nĩ arabatara gwĩka mogarũrũku?

• Mũhunjia onania atĩa atĩ harĩ o na mweke wa gũkaambĩrĩria kwĩruta Bibilia na mũrutwo ũcio rĩngĩ?