Wĩyaũre Ũmũndũ Ũrĩa wa Tene, na Wĩhumbe Ũmũndũ Mwerũ

3:5-14

Hihi nĩ wekire mogarũrũku manene harĩ ũmũndũ waku rĩrĩa werutire ũhoro wa ma? No ũkorũo na ma atĩ Jehova nĩ aakenirio nĩ kĩyo gĩaku. (Ezk 33:11) O na kũrĩ ũguo, nĩ ũrabatara gũthiĩ na mbere kwĩrutanĩria nĩguo ndũgacokerere ũmũndũ wa tene, ũthiĩ na mbere kuonania ũmũndũ mwerũ. Cokia ciũria ici irũmĩrĩire nĩguo wone nĩ ũndũ ũrĩkũ ũrabatara kwagagĩria:

• Hihi ndĩ na muku kwerekera mũndũ ũhĩtĩirie?

• Hihi nĩ nyonanagia wetereri, o na hĩndĩ ĩrĩa ndĩ na ihenya kana ndĩ mũnogu?

• Ingĩgĩa na meciria moru-rĩ, hihi nĩ ndĩmeheragia o na ihenya?

• Hihi nĩ ngoragwo na mawoni moru kwerekera andũ a rũrĩrĩ rũngĩ kana bũrũri ũngĩ?

• Hihi nĩ njĩrĩgĩte kwarĩria mũndũ na njĩra ĩtagĩrĩire kana ngĩremwo nĩ kũgirĩrĩria marakara?