ŨTŨŨRO WA GĨKRISTIANO

Mawĩra Mega Matangĩriganĩra

Ndungata ciothe cia Jehova no ihote kũruta mawĩra mega ũtungata-inĩ wa Jehova marĩa megũtũũra maririkanagwo tene na tene. O ta ũrĩa mũciari wendete ciana ciake atariganagĩrũo nĩ ciĩko njega iria ciana ciake ciĩkĩte, Jehova ndariganagĩrũo nĩ wĩra witũ na wendo ũrĩa tuonanagia nĩ ũndũ wa rĩĩtwa rĩake. (Mat 6:20; Ahi 6:10) Nĩ ma ithuothe tũkoragwo na maũndũ matiganĩte na ũhoti witũ nĩ ngũrani. Ĩndĩ tũngĩka ũrĩa wothe tũngĩhota ũtungata-inĩ witũ harĩ Jehova, no tũkorũo na gĩkeno. (Ga 6:4; Kol 3:23) Ihinda-inĩ rĩa mĩaka mĩingĩ mĩhĩtũku, aarĩ na ariũ a Ithe witũ ngiri nyingĩ nĩ matungatĩte Betheli. Hihi no ũhote kwĩrutĩra gũtungata Betheli? Angĩkorũo ndũngĩhota-rĩ, hihi no wĩkĩre ngoro mũndũ ũngĩ atungate kana ũteithĩrĩrie mũndũ ũtungataga kuo nĩguo athiĩ na mbere gũtungata na njĩra ĩyo ya mwanya?

WĨRORERE VIDEO YA KWĨRUTĨRA GŨTUNGATA BETHELI, ŨCOKE ŨCOKIE CIŨRIA ICI:

Nĩ kĩĩ kĩagĩrĩire gũgũtindĩka gũtungata Betheli?
Andũ amwe moigĩte atĩa ũhoro-inĩ wĩgiĩ irathimo cia gũtungata Betheli?
Nĩ maũndũ marĩkũ mabataranagia nĩguo mũndũ agĩrĩre gũtungata Betheli?
Mũndũ ekaga atĩa nĩguo ahoe gwĩtwo Betheli?

Aarĩ a Ithe witũ erĩ na mũrũ wa Ithe witũ ũmwe, arĩa matungataga Betheli, makĩrutithania wĩra hamwe kompiuta-inĩ; mũrũ wa Ithe witũ akĩbanga mabuku katoni-inĩ; mũrũ wa Ithe witũ agĩtungata Betheli wĩra-inĩ wa mbaũ