“Thiĩi na Mbere Gwĩciragia Maũndũ Macio”

Nĩ maũndũ marĩkũ? Rĩandĩko rĩa Afilipi 4:8 rĩtwĩraga twĩciragie maũndũ marĩa ma ma, ma bata, ma ũthingu, matheru, ma kwendeka, matĩĩku, mega, na ma kũgaathĩrĩrio. Ũguo ti kuuga atĩ Akristiano magĩrĩirũo gwĩciragia o ũhoro wĩgiĩ Bibilia hĩndĩ ciothe. O na kũrĩ ũguo, maũndũ marĩa twĩcũranagia ngoro-inĩ citũ nĩ magĩrĩire gũkenia Jehova. Matiagĩrĩire gũthararia itua ritũ rĩa gũkorũo tũrĩ ehokeku harĩ we.—Thb 19:14.

Ti ũndũ mũhũthũ gwĩthema meciria matarĩ mega. No mũhaka tũhiũranie na mĩerekera itũ ya kwaga gũkinyanĩra, o hamwe na ũgucania wa Shaitani, “ngai wa mũtabarĩre ũyũ wa maũndũ.” (2Ko 4:4) Tondũ Shaitani nĩwe ũtongoragia indo cia gũkinyanĩria ũhoro, maũndũ maingĩ marĩa makoragwo TV-inĩ, redio-inĩ, Intaneti-inĩ, ngathĩti-inĩ na mabuku-inĩ, matikoragwo marĩ mega. Tũngĩaga gũthuura na ũũgĩ maũndũ marĩa tũraingĩria meciria-inĩ, mwĩcirĩrie witũ no ũthũkio na mũthia-inĩ twĩkore tũgĩka maũndũ matagĩrĩire.—Jak 1:14, 15.

WĨRORERE VIDEO YA WĨTHEME MAŨNDŨ MARĨA MATHŨKAGIA WĨHOKEKU—GWĨKENIA NA MAŨNDŨ MATARĨ MEGA, ŨCOKE ŨCOKIE CIŨRIA ICI:

• 

  Nĩ maũndũ marĩkũ mũrũ wa Ithe witũ eeroragĩra thimũ-inĩ yake, na maarĩ na moimĩrĩro marĩkũ harĩ we?

• 

  Aateithirio atĩa nĩ rĩandĩko rĩa Agalatia 6:7, 8 na rĩa Thaburi 119:37?