Ũtĩĩte Kiugo kĩa Ngai na Gĩkĩro Kĩrĩkũ?

Bibilia ĩkoragwo na meciria na ciugo cia Jehova Ngai, o we Mũtungi wa ibuku rĩu itheru. (2Pe 1:20, 21) Bibilia nĩ ĩtĩtĩrithĩtie ũhoro wĩgiĩ gũteterũo kwa ũnene wa Jehova kũgerera Ũthamaki wake, na kwoguo nĩ ĩheaga andũ othe kĩĩrĩgĩrĩro kĩa mahinda mega mokĩte. Ningĩ Bibilia nĩ ĩguũrĩtie ũrĩa Jehova, Ithe witũ wa igũrũ, arĩ wendo.—Thb 86:15.

O ũmwe witũ atĩĩte Kiugo kĩa Jehova nĩ ũndũ wa itũmi itiganĩte. No hihi nĩ tuonanagia atĩ nĩ tũtĩĩte kĩheo kĩu kĩa bata na njĩra ya gũgĩthomaga o mũthenya na kũhũthagĩra maũndũ marĩa twathoma ũtũũro-inĩ witũ? Rekei ciĩko citũ cionanagie atĩ tũrĩ na mawoni ta ma mwandĩki wa Thaburi ũrĩa woigire ũũ: “Nĩ nyendete watho waku mũno!”—Thb 119:97.

WĨRORERE VIDEO YA NĨ MAATĨĨTE BIBILIA—GACUNJĨ KA VIDEO (WILLIAM TYNDALE), ŨCOKE ŨCOKIE CIŨRIA ICI:

• 

  Nĩ kĩĩ gĩatũmire William Tyndale ataũre icunjĩ cia Bibilia?

• Nĩ kĩĩ gĩatũmire kĩyo gĩake gĩa gũtaũra Bibilia gĩkorũo kĩrĩ kĩa mwanya?

• Kobĩ cia Bibilia ya Tyndale ciaingĩririo Ngeretha atĩa na hitho?

• O ũmwe witũ angĩonania atĩa atĩ nĩ atĩĩte kiugo kĩa Ngai?