Ikaraga Wĩhandĩte o Ũrĩa Mũico Ũrakuhĩrĩria

ŨNDŨ ŨCIO NĨ WA BATA NĨKĨ?: Ica ikuhĩ maũndũ ma kũgegania nĩ mekũgeria ũmĩrĩru witũ na ũrĩa twĩhokete Jehova gũkĩra hĩndĩ ĩngĩ o yothe. Thĩna ũrĩa mũnene ũkaambĩrĩria na kũniinwo kwa ndini cia maheeni. (Mat 24:21; Kũg 17:16, 17) Ihinda-inĩ rĩu iritũ, no kũhoteke nĩ tũkaaheana ndũmĩrĩri nditũ ya ituĩro. (Kũg 16:21) Nĩ tũgaatharĩkĩrũo nĩ Gogu wa Magogu. (Ezk 38:10-12, 14-16) Nĩguo agitĩre andũ ake, Jehova nĩ akaarehe “mbaara ya mũthenya ũrĩa mũnene wa Ngai Mwene-Hinya-Wothe.” (Kũg 16:14, 16) Nĩguo twĩkĩre hinya ũmĩrĩru witũ nĩ ũndũ wa maũndũ macio mageekĩka, tũrabatara kwĩhanda rĩrĩa wĩtĩkio witũ wagerio ihinda-inĩ rĩrĩ.

ŨRĨA TŨNGĨKA ŨGUO:

• Rũmagia ithimi ndũũgĩru cia Jehova ciĩgiĩ mĩtugo ũrĩ na ũmĩrĩru.—Isa 5:20

• Thiĩ na mbere gũthathaiya Jehova hamwe na Akristiano arĩa angĩ.—Ahi 10:24, 25

• Koragwo wĩhaarĩirie gwathĩkĩra ũtongoria kuuma kũrĩ ithondeka rĩa Jehova.—Ahi 13:17

• Wĩcũranagie ũrĩa Jehova anahonokia andũ ake mahinda mahĩtũku.—2Pe 2:9

• Hoyaga Jehova na ũmwĩhokage.—Thb 112:7, 8

WĨRORERE GĨCUNJĨ KĨA VIDEO YA MAŨNDŨ MARĨŨKA MAKABATARA ŨMĨRĨRU ŨCOKE ŨCOKIE CIŨRIA ICI:

• 

  Nĩ igerio rĩrĩkũ rĩa wathĩki ahunjia amwe maacemanirie narĩo rĩrĩa kĩũngano kĩao kĩanyitithanirio na ciũngano ingĩ?

• 

  Ũmĩrĩru ũhutanĩtie atĩa na wathĩki?

• 

  Ũmĩrĩru ũkaabatarania nĩkĩ rĩrĩa Hari–Magedoni ĩgooka?

• 

  Nĩ rũgano rũrĩkũ rwa Bibilia rũngĩtũteithia gwĩkĩra hinya wĩtĩkio witũ harĩ ũhoti wa Jehova wa kũhonokania?—2Ma 20:1-24