Hunjia Ũhoro Mwega wa Atĩ Thĩ Njega Ĩrĩ Hakuhĩ!

Mweri-inĩ wa Novemba, nĩ tũkerutanĩria kũhunjia ũhoro mwega wa atĩ thĩ njega ĩrĩ hakuhĩ. (Thb 37:10, 11; Kũg 21:3-5) Banga maũndũ maku nĩgetha ũkaahota kũnyitanĩra biũ kambĩini-inĩ ĩyo. Ũngĩiyũria fomu ya gũtungata ũrĩ painia wa gũteithĩrĩria mweri-inĩ ũcio, no ũthuure kũhunjia mathaa 30 kana 50.

Wĩhaarĩrie gũkaahũthĩra rĩandĩko rĩraria ũhoro wa thĩ njerũ na andũ aingĩ o ũrĩa kwahoteka. Ũgĩthuura rĩandĩko rĩrĩa ũkũhũthĩra, wĩcirie nĩ maũndũ marĩkũ mangĩkenia andũ thĩinĩ wa gĩcigo kĩanyu. Mũndũ angĩonania nĩ akenio nĩ ũhoro wamũhunjĩria riita rĩa mbere, mũhe ngathĩti ya riuma rĩa andũ othe ya Mũrangĩri Na. 2 2021. Ũcoke ũmũcokere na ihenya o ũrĩa kwahoteka na ũgerie kwambĩrĩria kwĩruta Bibilia nake ũkĩhũthĩra broshua ya Kenera Ũtũũro Tene na Tene! Nĩ gĩkeno kĩnene mũno kũnyita itemi harĩ kũhunjia “ũhoro mwega wa ũndũ mwagĩrĩru makĩria”!—Isa 52:7.

WĨRORERE VIDEO YA RWĨMBO RWA JW BROADCASTING RWA THĨ NJERŨ ĨROKA, ŨCOKE ŨCOKIE CIŨRIA ICI:

• Kairĩtu gaka karahũũra mbica ya kĩĩrĩgĩrĩro kĩrĩkũ kĩa ihinda rĩũkĩte?

• Nĩ maũndũ marĩkũ wĩriragĩria mũno gũkoona makĩhinga thĩinĩ wa thĩ njerũ?

• Gwĩcũrania ũhoro wa kĩĩrĩgĩrĩro gĩaku kũngĩgũteithia atĩa kwĩhaarĩria nĩguo ũkaanyitanĩra biũ kambĩini-inĩ ya Novemba?—Lu 6:45