Nĩ Tũcokagĩria Jehova Ngatho nĩ Ũndũ wa Wendo Wanyu

Kĩũngano kĩrĩa kĩarĩ Thesalonike nĩ kĩoonirie Akristiano arĩa angĩ wendo o na kwĩ na mathĩna. (2The 1:3, 4) Andũ a Jehova matukũ-inĩ maya nĩ monanagia wendo ta ũcio kũrĩ aarĩ na ariũ a Ithe witũ thĩinĩ wa thĩ yothe. Thĩinĩ wa jw.org, kĩrũmanĩrĩrio gĩa icunjĩ cia “Ũrĩa Mĩhothi Yaku Ĩrahũthĩrũo,” nĩ kĩonanagia ũrĩa mĩhothi ĩhũthagĩrũo gũteithia aarĩ na ariũ a Ithe witũ mahinda-inĩ maya maritũ. Nĩ tũramũcokeria ngatho nĩ ũndũ wa wendo na ũtaana wanyu.

WĨRORERE VIDEO YA ‘NĨ TŨCOKAGĨRIA NGAI NGATHO HĨNDĨ CIOTHE NĨ ŨNDŨ WANYU,’ ŨCOKE ŨCOKIE CIŨRIA ICI:

• Nĩ mawĩra ta marĩkũ mateithagĩrĩrio nĩ mĩhothi itũ?

• Nĩ njĩra ĩrĩkũ njega biũ ya kũheana ũteithio wa kĩĩmbeca kũrĩ aarĩ na ariũ a Ithe witũ arĩa marĩ na ũbataro?—Ningĩ rora thĩinĩ wa jw.org gacunjĩ karĩ na kĩongo, “Kũrĩa Kũrĩ na Ũingĩ nĩ Gũteithagĩrĩria Kũrĩa Kũrĩ na Ũnyihu”