ŨTŨŨRO WA GĨKRISTIANO

Maũndũ Mangĩgũteithia Ũkĩhũthĩra Ibuku rĩa Kenera Ũtũũro Tene na Tene!

Hihi nĩ ũkenagĩra kũhũthĩra video na ciũria cia mawoni ibuku-inĩ rĩa Kenera Ũtũũro Tene na Tene!? Ĩ natuo tũcunjĩ twa “andũ amwe moigaga,” “geria gwĩka ũũ,” na “rikĩra”? Nĩ maũndũ marĩkũ mangĩ mangĩgũteithia ũkĩĩruta Bibilia na mũndũ?—Mat 28:19, 20.

Ibuku rĩa “Kenera Ũtũũro Tene na Tene!” rĩhingũrĩtwo thĩinĩ wa “JW Library.” Kabica karĩa gathiũrũrũkĩirio karonania harĩa ũngĩhutia nĩguo wone “Mabuku na Video Iria Igwetetwo Gĩcunjĩ-inĩ kĩa 1.”

Mabuku na Video Iria Igwetetwo: Ũngĩthuura kũhũthĩra ibuku icabe rĩrĩa ũreruta Bibilia na mũndũ-rĩ, ũngĩhota atĩa kuona mabuku marĩa magwetetwo na video ciothe handũ hamwe na njĩra hũthũ? Ibuku-inĩ rĩa kũhũthĩrũo indo-inĩ ta thimũ, thuura gĩcunjĩ kĩmwe harĩ icunjĩ inya cia ibuku rĩu. Mũthia-inĩ wa ciongo cia mathomo, no ũhihinye harĩa honanĩtio mabuku na video iria igwetetwo gĩcunjĩ-inĩ kĩu. (Rora mbica ya 1.)

Gũcenjia Muonekanĩre Ũhaane ta wa Ibuku Icabe: Angĩkorũo ũrathoma na mũndũ ũkĩhũthĩra ibuku rĩrĩa rĩrĩ indo-inĩ ta thimũ, rĩmwe no ũbatare gũthuura harĩa handĩkĩtwo “Printed Edition” mũkĩĩruta nĩguo ũcenjie muonekanĩre. Ũrĩ ithomo-inĩ rĩrĩa mũreruta, hihinya tũturumo tũtatũ tũrĩa tũrĩ harĩa igũrũ mwena wa ũrĩo, ũcoke ũthuure “Printed Edition.” Muonekanĩre ũcio no ũgũteithie kuona wega ũrĩa ũhoro wothe ũrĩa ũrĩ ithomo-inĩ rĩu ũratwarana. Ũngĩenda gũcokerera muonekanĩre ũrĩa ũhũthagĩrũo indo-inĩ ta thimũ, hihinya tũturumo tũu tũtatũ rĩngĩ ũcoke ũthuure “Digital Edition.”

Ibuku rĩa “Kenera Ũtũũro Tene na Tene!” rĩhingũrĩtwo thĩinĩ wa “JW Library.” Kabica karĩa gathiũrũrũkĩirio karonania harĩa ũngĩhutia nĩguo wone gathandũkũ ka “Hihi nĩ Ndĩhaarĩirie?” na “Ũhoro Mũico-inĩ wa Ibuku.”

“Hihi nĩ Ndĩhaarĩirie?”: Tũthandũkũ tũtũ, tũrĩa tũrĩ hakuhĩ mũthia-inĩ wa ibuku, tũronania maũndũ ma mũthingi marĩa mangĩtũma mũndũ agĩrĩre kũhunjia na kĩũngano na kũbatithio. (Rora mbica ya 2.)

Ũhoro Mũico-inĩ wa Ibuku: Ũhoro mũico-inĩ wa ibuku nĩ ũtaarĩirie makĩria maũndũ mamwe ma bata. Ibuku-inĩ rĩa kũhũthĩrũo indo-inĩ ta thimũ harĩ na link mũthia-inĩ wa o kohoro ya gũgũteithia gũcoka harĩa uuma ithomo-inĩ. (Rora mbica ya 2.)

Ũgĩthoma ibuku rĩa Kenera Ũtũũro Tene na Tene! hamwe na arutwo a Bibilia marakũra kĩĩroho, tigĩrĩra nĩ mwarĩkia kũrĩthoma o na mangĩbatithio mbere ya mũrĩkĩtie. No ũthiĩ na mbere gũtara mathaa, maita marĩa ũcokerete mũndũ, na wĩruti wa Bibilia o na thutha wa mũrutwo kũbatithio. Mũngĩkorũo na mũhunjia ũngĩ na anyitanĩre wĩruti-inĩ ũcio, o nake no atare mathaa