ŨTŨŨRO WA GĨKRISTIANO
Aciari—Teithiai Ciana Cianyu Kũgĩa na Ũũgĩ Ũrĩa Uumaga Kũrĩ Ngai
Njĩra ĩmwe njega aciari mangĩteithia ciana ciao kũgĩa na ũũgĩ ũrĩa uumaga kũrĩ Ngai, nĩ gũciteithia kũgunĩka kuumana na mĩcemanio ya Gĩkristiano. Maũndũ marĩa ciana cionaga, ikaigua, na ikagweta ikĩruta macokio mĩcemanio-inĩ, no maciteithie kwĩruta ũhoro wĩgiĩ Jehova na kũgĩa ũrata wa hakuhĩ hamwe nake. (Gũc 31:12, 13) Angĩkorũo ũrĩ mũciari-rĩ, ũngĩteithia mwana waku atĩa kũgunĩka biũ kuumana na mĩcemanio?
Wĩrutanagĩrie gũthiĩ mĩcemanio ya ĩmwe kwa ĩmwe.—Thb 22:22
Tigagĩrĩra nĩ mwagĩa na ihinda rĩa gwĩkĩrana ngoro na aarĩ na ariũ a Ithe witũ Nyũmba-inĩ ya Ũthamaki, mbere kana thutha wa mũcemanio.—Ahi 10:25
Tigĩrĩra o mũndũ famĩlĩ-inĩ arĩ na mabuku marĩa marahũthĩrũo mũcemanio-inĩ, akorũo nĩ thimũ-inĩ kana mabuku macabe
Teithia mwana waku kũhaarĩria macokio na ciugo ciake mwene.—Mat 21:15, 16
Aragia maũndũ mega megiĩ mĩcemanio, na maũndũ marĩa tũrutagwo kuo
Teithia ciana ciaku kũnyitanagĩra maũndũ-inĩ ta gũthambia Nyũmba ya Ũthamaki na kwaria na andũ arĩa akũrũ kĩũngano-inĩ
Gũteithia ciana ciaku kũgĩa na ũrata wa hakuhĩ hamwe na Jehova nĩ kũbataraga kĩyo kĩnene, na rĩmwe no ũigue ũritũhĩirũo. O na kũrĩ ũguo, Jehova no agũteithie.—Isa 40:29.
WĨRORERE VIDEO YA ACIARI, MWĨHOKAGEI JEHOVA NA HINYA WAKE, ŨCOKE ŨCOKIE CIŨRIA ICI:
Mĩnoga yahutagia atĩa Zack na Leah?
Aciari magĩrĩirũo kwĩhoka Jehova amahe hinya nĩkĩ?
Nĩ na njĩra irĩkũ Zack na Leah meehokire Jehova amateithie?