Hihi Ngai no Andeithie Ingĩmũhoya?

Macokio ma Bibilia

Hatarĩ nganja, Ngai nĩ ateithagia arĩa mamũhoyaga kuuma ngoro, na makahoya maũndũ marĩa maringaine na wendi wake. O na angĩkorũo ndũrĩ wageria kwaria na Ngai kũgerera mahoya, cionereria cia andũ arĩa makaĩire Jehova makĩmwĩra, “Ngai ndeithia,” no cikũũmĩrĩrie. Kwa ngerekano:

• “Wee Jehova Ngai wakwa, ndeithia; honokia kũringana na tha ciaku.”—Thaburi 109:26, Bibilia ya, A Literal Translation of the Bible.

• “Ndĩmũthĩnĩki na mũbatari: Wee Ngai, ndeithia.”—Thaburi 69:6, Bibilia ya, Douay Version.

Ũhoro wa ma nĩ atĩ, ũrĩa waandĩkire ibuku rĩu aarĩ na wĩtĩkio mũrũmu harĩ Ngai. Ma nĩ atĩ, Ngai athikagĩrĩria arĩa mamũhoyaga marĩ na mwerekera ũrĩa wagĩrĩire, ta arĩa “athuthĩku ngoro” kana “maherete roho”—Thaburi 34:18.

Ndwagĩrĩirũo nĩ gwĩtigĩra kũhoya Ngai na kuona ta arĩ kũraya nawe kana ta atatindanagĩra na mathĩna maku. Bibilia yugaga ũũ: “O na gwatuĩka Jehova e igũrũ mũno, nĩaroraga mũndũ mũhoreri; ĩndĩ, ũrĩa mwĩtũũgĩria, akamũmenyera o kũraya.” (Thaburi 138:6) Jesu eerire ũũ arutwo ake: “O na njuĩrĩ cianyu cia mũtwe nĩ ndare ciothe.” (Mathayo 10:30) Ngai nĩ onaga na nĩ oĩ maũndũ maingĩ mũno makwĩgiĩ, marĩa wee mwene ũtoĩ. Hakĩrĩ ũguo-rĩ, na githĩ to atũthikĩrĩrie rĩrĩa tũramũhoya tũrĩ na mĩtangĩko!—1 Petero 5:7.