Aira a Jehova nĩ Metĩkagĩra Ũrigitani wa Ndawa?

Ĩĩ, Aira a Jehova nĩ metĩkagĩra ndawa na ũrigitani wa ndawa. O na gũtuĩka nĩ twĩrutanagĩria kũmenyerera mĩĩrĩ itũ na ũgima witũ wa mwĩrĩ, rĩmwe na rĩmwe nĩ ‘tũbataraga ndagĩtarĩ.’ (Luka 5:31) Aira a Jehova amwe nĩ mandagĩtarĩ, o ta ũrĩa Luka, ũrĩa warĩ wa karine ya mbere aarĩ ndagĩtarĩ.—Akolosai 4:14.

O na kũrĩ ũguo, morigitani mamwe nĩ mareganaga na motaaro ma Bibilia, na tũtiĩtĩkagĩra morigitani ta macio. Kwa ngerekano, tũtiĩtĩkagĩra gwĩkĩrũo thakame tondũ Bibilia nĩ ĩkaananĩtie. (Atũmwo 15:20) Ningĩ, Bibilia nĩ ĩgirĩtie morigitani marĩ na maũndũ ma ũgo na ũragũri.—Agalatia 5:19-21.

No morigitani maingĩ matikoragwo makĩregana na motaaro ma Bibilia. Kwoguo mũndũ nĩwe wĩtuagĩra itua. Mũira wa Jehova ũmwe no etĩkĩre ndawa kana ũrigitani mũna, na ũngĩ age gwĩtĩkĩra.—Agalatia 6:5.