Gathandũkũ Kanini Gateithagia Andũ Kuona Irio cia Kĩĩroho

Ihinda-inĩ rĩrĩ, Aira a Jehova nĩ mamũkagĩra irio cia kĩĩroho kũgerera indo ta thimũ. No kũndũ kũingĩ thĩinĩ wa thĩ aarĩ na ariũ a Ithe witũ matihotaga kuona intaneti. Nao angĩ maikaraga kũndũ Intaneti yũraga, ĩgakorũo ĩtarĩ na hinya mũno, kana gũgakorũo gũtarĩ.

O na kũrĩ ũguo, aarĩ na ariũ a Ithe witũ aingĩ rĩu nĩ monaga mabuku na video o na gũtarĩ na Intaneti. Ũndũ ũcio ũhotekaga atĩa?

Gathandũkũ ka JW nĩ gathandũkũ kanini gatũmagĩrũo ciũngano iria itahotaga kuona Intaneti na njĩra njega. Gakoragwo na mũtambo ũgũrĩtwo kuuma gwĩ kambũni ĩmwe, mũtambo ũngĩ ũthondeketwo nĩ Rũhonge rwa Kompiuta rwa Betheli, na mabuku na video iria irĩ thĩinĩ wa jw.org. Gathandũkũ kamwe kaumaga ta ciringi 8,000.

Rĩrĩa aarĩ na ariũ a Ithe witũ marĩ Nyũmba-inĩ ya Ũthamaki, manyitithanagia thimũ ciao na gathandũkũ kau kũgerera Wi-Fi, makahota kũruta video na mabuku marĩa marĩ thĩinĩ wako. O na arĩa matakoragwo na thimũ cia kĩĩrĩu kana cia goro mũno nĩ mahotaga gũkahũthĩra. Hihi kĩũngano kĩhotaga atĩa kuona mabuku na video cia ica ikuhĩ angĩkorũo gũtirĩ na Intaneti? Wabici ya rũhonge nĩ ĩikaraga ĩgĩtũmaga Flash Disk irĩ na mabuku na video njerũ iria ciongereirũo thĩinĩ wa jw.org. Indo icio icokaga igekĩrũo thĩinĩ wa Gathandũkũ ka JW. Flash Disk icio ciendagio ta ciringi 500.

Hihi gathandũkũ kau gateithĩtie aarĩ na ariũ a Ithe witũ atĩa? Mũthuri ũmwe wĩtagwo Nathan Adruandra kuuma Democratic Republic of Congo aaugire ũũ: “Kwa ihinda iraihu nĩ ndaageretie kũruta intaneti-inĩ video ya “Ĩ Jehova, . . . Nowe Ndĩĩhokete” na ya Ririkana Mũtumia wa Loti, no ndiahotaga na ũndũ ũcio nĩ wanjũragaga ngoro mũno. Rĩu no hote kũruta video icio ngĩhũthĩra thimũ yakwa na ũndũ ũcio nĩ ũratũteithia tũrĩ aciari kũruta ciana citũ na njĩra njega makĩria.”

Mũrũ wa Ithe witũ ũmwe ũteithagĩrĩria ciũngano kũhũthĩra Gathandũkũ ka JW thĩinĩ wa Nigeria aaugire ũũ: “Ariũ a Ithe witũ monaga Gathandũkũ ka JW karĩ kĩheo kĩa mwanya kuuma kũrĩ Jehova. Nĩ makenaga mũno tondũ rĩu no mahote kũruta mabuku na video thĩinĩ wa Gathandũkũ Gaitũ ka Indo cia Kũrutana.”

Makĩria ma tũthandũkũ 1,700 nĩ tũtũmĩtwo thĩinĩ wa Africa, Oceania, na South America, na kwĩ na mĩbango ya gũtũma tũngĩ ciũngano-inĩ ingĩ nyingĩ. Hihi mbeca cia kũruta wĩra ũcio ciumaga kũ? Cirutagwo mĩhothi-inĩ ya wĩra wa thĩ yothe ĩrĩa kaingĩ ĩrutagwo kũgerera donate.jw.org. Nĩ ngathoi mũno nĩ wĩrutĩri wanyu.