Kohoro ka Magũrũ-inĩ

b Andũ thĩinĩ wa Misiri ya tene maakenagĩra kũrĩa mĩgate na keki makĩria ma mĩthemba 90 ngũrani. Kwoguo, mũnene wa arugi mĩgate thĩinĩ wa nyũmba ya Firauni aarĩ mũndũ watĩĩkĩte mũno. Nake mũnene wa arĩa maamũtwaragĩra gĩa kũnyua, aakoragwo arũgamĩrĩire ndungata iria ciatigagĩrĩra atĩ ndibei kana hihi njohi ya Firauni nĩ ĩrĩa njega biũ, na nĩ njige wega nĩguo hatikagĩe mũndũ ũngĩgeria kũmĩĩkĩra thumu orage mũthamaki, tondũ ũhoro wa andũ gũtwara mũthamaki igooti-inĩ na kũgeria kũmũũraga nĩ ũndũ wekĩkaga kaingĩ. Kaingĩ Firauni nĩ aatuaga mũnene wa arĩa maamũtwaragĩra gĩa kũnyua mũtaarani wake mwĩhokeku.