-
‘Kũrĩa Ũgaathiĩ Nokuo Ngaathiĩ’Wĩgerekanie na Wĩtĩkio Wao
-
-
16-18. (a) Ruthu onanirie atĩa wendo mwĩhokeku? (b) Nĩ atĩa tũngĩĩruta kuumana na Ruthu wĩgiĩ wendo mwĩhokeku? (Rora nginya mbica cia atumia acio erĩ.)
16 Akĩarĩria Naomi barabara-inĩ ĩyo ĩtaarĩ na andũ, Ruthu aarĩ na ma biũ na itua rĩrĩa aatuĩte. Nĩ eendete Naomi mũno, o hamwe na Ngai ũrĩa Naomi aatungatagĩra. Nĩ ũndũ ũcio Ruthu akĩmwĩra ũũ: “Tiga kũningĩrĩria ngũtige, atĩ nĩguo ngarũrũke ndige gũkũrũmĩrĩra; nĩ ũndũ-rĩ, o kũrĩa ũgathiĩ, nokuo niĩ o na niĩ ngathiĩ, na kũrĩa ũgaatũra, nokuo niĩ o na niĩ ngatũũra, nao andũ anyu no-o magatuĩka andũ aitũ, nake Ngai waku nowe ũgatuĩka Ngai wakwa, na kũrĩa ũgakuĩra nokuo niĩ na niĩ ngakuĩra, na nokuo ngathikwo. Jehova aroʼthũũra, o na anjĩke ũũru makĩria, kũngĩkagĩa ũndũ o na ũmwe ũgũtũtigithania nawe tiga o gĩkuũ giiki!”—Ruthu 1:16, 17.
“Andũ anyu no-o magatuĩka andũ aitũ, nake Ngai waku nowe ũgatuĩka Ngai wakwa”
17 Ciugo cia Ruthu ciarĩ cia mwanya ũũ atĩ no iririkanagwo mĩaka 3,000 thutha wake gũkua. Nĩ cionanagia wega biũ ngumo ya bata, wendo mwĩhokeku. Wendo wa Ruthu harĩ Naomi warĩ mũnene na mwĩhokeku ũũ atĩ nĩ angĩatũũranirie nake kũrĩa guothe angĩathiire. Gĩkuũ nokĩo kĩngĩamatigithanirie. Andũ a Naomi mangĩatuĩkire andũ a Ruthu, tondũ nĩ eeharĩirie gũtiga kĩndũ o gĩothe kĩarĩ kũu Moabi, nginya ngai cia kuo. Mũgarũ na Oripa, Ruthu oigire na ngoro yothe atĩ nĩ eendaga Jehova, Ngai wa Naomi, atuĩke Ngai wake.a
-
-
‘Kũrĩa Ũgaathiĩ Nokuo Ngaathiĩ’Wĩgerekanie na Wĩtĩkio Wao
-
-
a Nĩ ũndũ wa bata kuona atĩ Ruthu ndaahũthĩrire o kiugo “Ngai,” ta ũrĩa andũ aingĩ a kũngĩ mangĩekire; aagwetire nginya rĩĩtwa rĩa Ngai, Jehova. The Interpreter’s Bible yugaga ũũ: “Na njĩra ĩyo mwandĩki onanirie atĩ mũgeni ũcio aarĩ mũrũmĩrĩri wa Ngai ũrĩa wa ma.”
-