• Aarũĩrĩire Andũ a Ngai
    Wĩgerekanie na Wĩtĩkio Wao

    • 19. Hamani eendaga gwĩka atĩa, na aaiguithirie mũthamaki atĩa?

      19 Hamani aarakarire mũno ũũ atĩ eendaga kũũraga Moridekai na andũ othe a rũrĩrĩ rwake! Akĩiguithia mũthamaki na njĩra ya kũmuonia ũrĩa Ayahudi maarĩ oru. O na atekũmagweta marĩĩtwa, oigire atĩ matiarĩ andũ a bata harĩ mũthamaki na maarĩ rũrĩrĩ ‘rũharaganĩire thĩinĩ wa andũ na rwaikaraga rwĩamũrĩte.’ Gũthũkia mũno, oigire atĩ matiathĩkagĩra watho wa mũthamaki kwoguo nĩ mangĩatuĩkire aregani. Akĩĩra mũthamaki nĩ ekũmũhe mbeca nyingĩ cia kũrũgamĩrĩra wĩra wa kũũraga Ayahudi othe.d Nake mũthamaki akĩruta gĩcũhĩ gĩake guoko agĩkĩnengera Hamani, kuonania atĩ nĩ aamwĩtĩkĩrĩtie gwĩka ũrĩa eendaga.—Esit. 3:5-10.

  • Aarũĩrĩire Andũ a Ngai
    Wĩgerekanie na Wĩtĩkio Wao

    • d Hamani eerire mũthamaki atĩ ekũmũhe taranda 10,000 cia betha. Icio nĩ mamilioni maingĩ ma mbeca ũmũthĩ. Angĩkorũo Ahasuerusu nĩwe warĩ Tashashita wa Mbere, no mũhaka akorũo nĩ aakenirio mũno nĩ mbeca icio Hamani aamwĩrĩire. Tashashita nĩ aabataraga mbeca nyingĩ cia kũhingia mũbango wake wa ihinda iraya wa kũrũa na Ngiriki.