-
Rekei Ithuothe Tũkoragwo Twĩ Kĩndũ Kĩmwe, o ta Jehova na JesuMũrangĩri (Wĩruti)—2018 | Juni
-
-
WENDO NA WĨNYIHIA NĨ ITOORAGIA MŨTHUTŨKANIO
8. Nĩ ũndũ ũrĩkũ ũtũmaga Akristiano makorũo na ũrũmwe? Taarĩria.
8 Jesu nĩ aarutire arutwo ake ũndũ wa bata ũrĩa ũtũmaga tũkorũo na ũrũmwe. Oigire: “Inyuothe mũrĩ a Ithe ũmwe.” (Thoma Mathayo 23:8, 9.) Ũndũ ũmwe ũtũmaga tũkorũo tũrĩ “a Ithe ũmwe” nĩ atĩ ithuothe tuumĩte kwĩ Adamu. (Atũm. 17:26) No to ũguo tu. Jesu aataarĩirie atĩ arutwo ake maarĩ aarĩ na ariũ a Ithe ũmwe tondũ nĩ maamenyaga atĩ Jehova nĩwe Ithe wao wa igũrũ. (Mat. 12:50) Makĩria ma ũguo, nĩ maatuĩkĩte a famĩlĩ ĩmwe ya kĩĩroho, ĩrĩa ĩkoragwo ĩnyitithanĩtio nĩ wendo na wĩtĩkio. Ũndũ ũcio nĩguo watũmaga kaingĩ atũmwo meete Akristiano arĩa angĩ ‘aarĩ na ariũ a Ithe witũ’ makĩmandĩkĩra marũa.—Rom. 1:13; 1 Pet. 2:17; 1 Joh. 3:13.a
-
-
Rekei Ithuothe Tũkoragwo Twĩ Kĩndũ Kĩmwe, o ta Jehova na JesuMũrangĩri (Wĩruti)—2018 | Juni
-
-
a Kiugo “ariũ a Ithe witũ” no kĩhũthĩrũo kwaria nginya ũhoro wa aarĩ a Ithe witũ thĩinĩ wa kĩũngano. Paulo aatũmĩire “ariũ a Ithe witũ” arĩa maarĩ Roma marũa no nĩ hamwe na aarĩ a Ithe witũ tondũ nĩ agwetete amwe ao na marĩĩtwa. (Rom. 16:3, 6, 12) Kwa ihinda rĩa mĩaka mĩingĩ ngathĩti ya Mũrangĩri ĩkoretwo ĩgĩta Akristiano ‘aarĩ na ariũ a Ithe witũ.’
-