Nĩ Kĩĩ Kĩbataranagia Nĩguo Tũtuĩke Arũmĩrĩri a Jesu?

9:62

Nĩguo ahote gũtema mĩtaro mĩrũngarũ, mũrĩmi wĩ na mũraũ ndaabataraga kũhĩngĩcwo nĩ maũndũ marĩa marĩ thutha wake. O ũndũ ũmwe na ũcio, Mũkristiano ndagĩrĩire gwĩtĩkĩra kũhĩngĩcwo nĩ maũndũ marĩa aatigire na thutha ma thĩ ĩno.—Afi 3:13.

Rĩrĩa twacemania na mathĩna, nĩ ũndũ mũhũthũ kũririkana ‘maũndũ mega’ marĩa twatigire na thutha hihi tũtamenyete ũhoro wa ma. Rĩrĩa tweka ũguo, tũhũthagia gĩkeno kĩrĩa tũrĩ nakĩo na tũkona ta ũtũũro witũ wa mbere ũtaarĩ na mathĩna. Ũguo nĩguo Aisiraeli meekire moima Misiri. (Nda 11:5, 6) Tũngĩkorũo na mwĩcirĩrie ta ũcio, no tũgucĩrĩrio gũcokerera mũtũũrĩre ũrĩa twatũũraga. Nĩ ũndũ ũcio-rĩ, na githĩ ti wega gũtara irathimo iria tũrĩ nacio na gwĩcũrania ũhoro wa gĩkeno kĩrĩa kĩrĩ mbere itũ rungu rwa Ũthamaki wa Ngai?—2Ko 4:16-18.