Habili aaciarirũo ihinda inini thuutha wa andũ a mbere kũũmbwo. Thuutha ũcio Jesu aakuruhithanirie Habili na “rĩrĩa thĩ yombirũo.” (Luka 11:50, 51) Hatarĩ nganja Jesu aaragia ũhoro wa thĩ ya andũ arĩa marĩ na kĩĩrĩgĩrĩro gĩa gũgaakũũrũo kuuma mehia-inĩ. O na gũtuĩka Habili aarĩ mũndũ wa kana harĩ arĩa manatũũra thĩinĩ wa thĩ, kũroneka atĩ nĩwe warĩ mũndũ wa mbere ũrĩa Ngai onire atĩ no amũkũũre.a Hatarĩ nganja, Habili ndaarereirũo gatagatĩ-inĩ ka andũ ega.