3. (a) Tũgoocithagia Ngai atĩa twakũria “maciaro ma roho”? (b) Nĩ ciũria irĩkũ tũkwarĩrĩria?

³ Ngumo iria ciumanaga na roho mũtheru cionanagia ũmũndũ wa Jehova Ngai o we Kĩhumo kĩa roho ũcio. (Kol. 3:9, 10) Jesu nĩ onanirie gĩtũmi kĩrĩa kĩnene mũno gĩa gũtũma Akristiano merutanĩrie kwĩgerekania na Ngai hĩndĩ ĩrĩa eerire arutwo ake ũũ: “Ũndũ ũngĩgoocithia Awa no atĩrĩ, no mũciarage maciaro maingĩ.”a (Joh. 15:8) O ũrĩa tũrakũria “maciaro ma roho,” moimĩrĩro nĩ marĩonekaga wega mĩario-inĩ na ciĩko-inĩ ciitũ, na ũndũ ũcio nĩ ũrĩrehagĩra Ngai witũ rũgooco. (Mat. 5:16) Maciaro ma roho marĩ na ũtiganu ũrĩkũ na mĩerekera ya thĩ ĩno ya Shaitani? Tũngĩhota atĩa gũkũria maciaro ma roho? Nĩkĩ hihi kĩngĩtũma tuone ũcio arĩ ũndũ mũritũ? Tũgwĩciria ũhoro wa ciũria icio tũkĩarĩrĩria maciaro ma mbere matatũ ma roho—wendo, gĩkeno, na thayũ.