3, 4. (a) Jesu athiĩte na mbere atĩa kũruta andũ ehokeku ũhoro wĩgiĩ Ũthamaki wa Ngai? (b) Nĩ maũndũ marĩkũ tũgũthuthuria thĩinĩ wa gĩcunjĩ gĩkĩ?

³ Jesu aaririe ciugo iria irĩ thĩinĩ wa Johana 16:12 ũtukũ wa mũthia wa ũtũũro wake gũkũ thĩ. Hihi angĩahotire atĩa gũthiĩ na mbere kũruta andũ arĩa ehokeku ũhoro wĩgiĩ Ũthamaki wa Ngai thutha wa gũkua? Aaheire arutwo ake ũũma ũyũ: “Roho wa ma . . . nĩ akamũtongoria amuumĩrĩrie ũhoro-inĩ ũrĩa wa ma wothe.”a (Joh. 16:13) No tũringithanie roho mũtheru na mũndũ ũratũtongoria arĩ na wetereri. Jesu ahũthagĩra roho ũcio kũruta arũmĩrĩri ake maũndũ marĩa marabatara kũmenya megiĩ Ũthamaki wa Ngai, o ihinda rĩrĩa marabatara kũmamenya.