14. Tũngĩruta kũ ciugo cia kũũmĩrĩria arĩa maracakaya?

¹⁴ Nĩ ũndũ ũcio, ti ũndũ mũhũthũ mũndũ kũmenya ũrĩa angĩra mũndũ ũrĩ na kĩeha kĩingĩ. O na kũrĩ ũguo Bibilia yugaga atĩ, “rũrĩmĩ rũa mũndũ mũũgĩ nĩrũrehage ũgima.” (Thim. 12:18) Aingĩ nĩ monete maũndũ mangĩhũthĩra kũũmĩrĩria arĩa angĩ thĩinĩ wa broshua ya Rĩrĩa Mũndũ Wendete Akua.c No kaingĩ, ũndũ ũrĩa wa bata mũno ũngĩka nĩ ‘kũrĩraga hamwe na arĩa mararĩra.’ (Rom. 12:15) Gaby ũrĩa mũthuri wake aakuire, oigaga ũũ: “Maithori matuĩkĩte rũthiomi rwa ngoro yakwa. Nĩkĩo njiguaga ndomĩrĩrio na gĩkĩro kĩna rĩrĩa arata marĩra hamwe na niĩ. Ihinda-inĩ ta rĩu ndiguaga ndĩ nyiki kĩeha-inĩ gĩakwa.”

20. Nĩkĩ ciĩranĩro cia Jehova nĩ itũmagĩrĩria mũno?

²⁰ Nĩ ũndũ wa gwĩkĩra ngoro mũno kũmenya atĩ Jehova, Ngai ũrĩa ũmanagĩrĩria, nĩ akeheria kĩeha gĩothe na atũũmĩrĩrie tene na tene rĩrĩa “arĩa othe marĩ thĩinĩ wa mbĩrĩra makaigua mũgambo wake na moime kuo.” (Joh. 5:28, 29) Ngai eranĩire atĩ ‘gĩkuũ nĩ kũngʼaria agakĩngʼaria akĩniine biũ tene na tene, ningĩ Mwathani Jehova nĩakagiria maithori mothiũ mothe.’ (Isa. 25:8) Thutha ũcio, handũ ha ‘kũrĩraga hamwe na arĩa mararĩra,’ andũ othe thĩinĩ wa thĩ ‘magakenaga hamwe na arĩa marakena.’—Rom. 12:15.