“Tũtikuaga Ngoro”

4:16-18

Ta hũũra mbica famĩlĩ igĩrĩ igĩikara nyũmba-inĩ ĩmwe ngũrũ na thũkangu. Famĩlĩ ĩmwe ĩgakorũo ĩgĩtangĩka nĩ ũndũ wa ũndũ ũcio. No ũndũ wa kũgegania nĩ atĩ famĩlĩ ĩyo ĩngĩ ĩraikara ĩrĩ o na gĩkeno. Nĩkĩ? Tondũ ica ikuhĩ famĩlĩ ĩyo nĩ ĩgũthaamĩra nyũmba ĩngĩ njerũ na thaka.

O na gũtuĩka “nginya rĩu ũũmbi wothe ũthiaga na mbere gũcaya hamwe na ũrĩ na ruo hamwe,” ndungata cia Ngai nĩ ciĩkĩragwo hinya nĩ kĩĩrĩgĩrĩro kĩrĩa ikoragwo nakĩo. (Ro 8:22) Nĩ tũĩ atĩ mathĩna marĩa tũracemania namo rĩu, o hamwe na marĩa tũhiũranĩtie namo mĩaka mĩingĩ, nĩ ma ‘ihinda inini na nĩ mahũthũ’ makĩringithanio na ũtũũro wa tene na tene thĩinĩ wa thĩ njerũ ya Ngai. Kũiga meciria maitũ harĩ irathimo iria Ũthamaki wa Ngai ũkaarehe ihinda rĩũkĩte nĩ kũrĩtũteithagia kũgĩa na gĩkeno na kwaga gũkua ngoro.