• Thuura Arata Aku na Ũũgĩ
    Kenera Ũtũũro Tene na Tene!—Wĩrute Bibilia

    • 1. Arata arĩa ũthuuraga mangĩkorũo na ũgucania ũrĩkũ harĩ wee?

      Kaingĩ nĩ twĩgerekanagia na andũ arĩa tũhũthagĩra mahinda maingĩ hamwe nao. Ũndũ ũcio no ũkorũo ũrĩ mwega kana mũũru, na no twĩgerekanie nao o na angĩkorũo tũrahũthĩra mahinda nao kũgerera intaneti. O ta ũrĩa Bibilia yugaga, “mũndũ ũrĩa ũtwaranaga na andũ arĩa ogĩ nĩ arĩũhĩgaga, no mũndũ ũrĩa ũthiaga thiritũ na irimũ [arĩa matendete Jehova] nĩ arĩonaga ũũru.” (Thimo 13:20) Arata arĩa mendete Jehova na mamũthathayagia no magũteithie gũikaraga hakuhĩ nake na gũtuaga matua mega. No tũngĩkorũo na arata a hakuhĩ matarĩ kĩũngano-inĩ no matũme tũraihĩrĩrie Jehova. Nĩkĩo Bibilia ĩtwĩkĩraga ngoro tũthuure arata na ũũgĩ! Angĩkorũo arata aitũ nĩ mendete Ngai, tũrĩgunĩkaga ithuĩ ene o hamwe nao. Nĩ tũrĩhotaga “[gũthiĩ] na mbere gwĩkĩrana ngoro na [gwakana] mũndũ na ũrĩa ũngĩ.”—1 Athesalonike 5:11.

  • Ũngĩkenia Jehova Atĩa Kũgerera Mĩario Yaku?
    Kenera Ũtũũro Tene na Tene!—Wĩrute Bibilia

    • Rĩrĩa Jehova aatũũmbire, nĩ aatũheire kĩheo kĩa magegania—ũhoti wa kwaria. Hihi nĩ atindanagĩra na ũrĩa tũhũthagĩra kĩheo kĩu? Hatarĩ nganja nĩ ekaga ũguo! (Thoma Jakubu 1:26.) Kwoguo-rĩ, tũngĩhũthĩra atĩa ũhoti witũ wa kwaria na njĩra ĩgũkenia Jehova?

      1. Twagĩrĩirũo kũhũthĩra atĩa kĩheo gĩa kwaria?

      Bibilia ĩtwĩraga ũũ: “Thiĩi na mbere gwĩkĩrana ngoro na mwakanage mũndũ na ũrĩa ũngĩ.” (1 Athesalonike 5:11) Hihi nĩ ũĩ andũ marabatara gwĩkĩrũo ngoro? Ũngĩmekĩra maũndũ ta marĩkũ nĩguo maigue mekĩrĩtwo ngoro? Mateithie gũkorũo na ma atĩ nĩ ũmarũmbũyagia. Hihi no ũmeere kĩrĩa ũmendeire. Nĩ rĩandĩko ta rĩrĩkũ ũngĩhũthĩra gwĩkĩra mũndũ ngoro narĩo? Kũrĩ na maandĩko maingĩ ũngĩthuura. Ningĩ ririkana atĩ njĩra ĩrĩa ũkwaria nayo no ĩĩkĩre andũ ngoro mũno. Kwoguo, wĩrutanagĩrie hingo ciothe kwaria na njĩra ya wendo na ũrĩ na ũhooreri.—Thimo 15:1.

      2. Nĩ mĩario ya mũthemba ũrĩkũ twagĩrĩirũo gwĩthema?

      Bibilia yugaga ũũ: “Mũtikanareke kiugo kĩbuthu kiume kanua-inĩ kanyu.” (Thoma Aefeso 4:29.) Ũguo nĩ kuuga tũtiagĩrĩirũo kũhũthĩra ciugo njũru kana mĩario mĩũru ĩngĩtuurithia mũndũ. Ningĩ no nginya twĩtheme mũcene mũũru na njambanio.—Thoma Thimo 16:28.

      3. Nĩ kĩĩ kĩngĩtũteithia kwaria na njĩra ĩraaka andũ arĩa angĩ?

      Kaingĩ maũndũ marĩa twaragia nĩ maguũragia kĩrĩa kĩrĩ ngoro-inĩ citũ kana maũndũ marĩa tũreciria. (Luka 6:45) Kwoguo tũrabatara kwĩmenyeria gwĩciragia maũndũ ma ũthingu, matheru, ma kwendeka, na ma kũgaathĩrĩrio. (Afilipi 4:8) Nĩguo tũhote gwĩciragia maũndũ ta macio, tũrabatara gũthuura arata na maũndũ ma gwĩkenia na njĩra ya ũũgĩ. (Thimo 13:20) Ningĩ nĩ ũndũ wa bata gwĩciria tũtanaria. Wĩciragie ũrĩa ciugo ciaku ingĩhutia andũ arĩa angĩ. Bibilia yugaga ũũ: “Ciugo itecirĩtio nĩ ta gũthecanga na rũhiũ rwa njora, no rũrĩmĩ rwa andũ arĩa ogĩ nĩ rũhonagia.”—Thimo 12:18.

      THUTHURIA MAKĨRIA

      Reke tuone ũrĩa tũngĩaria na njĩra ĩrakenia Jehova na ĩgekĩra arĩa angĩ ngoro.

      4. Menyerera mĩario yaku

      Rĩmwe ithuothe nĩ tuugaga maũndũ tũcokaga kwĩrira. (Jakubu 3:2) Thomai Agalatia 5:22, 23, mũcoke mwarĩrĩrie ciũria ici:

      • Nĩ ngumo irĩkũ harĩ icio ũngĩhoya ũheo ingĩgũteithia kũmenyerera mĩario yaku? Ngumo icio ingĩgũteithia atĩa?

      Thomai 1 Akorintho 15:33, mũcoke mwarĩrĩrie kĩũria gĩkĩ:

      • Arata aku na maũndũ maku ma gwĩkenia mangĩhutia atĩa mĩario yaku?

      Mbica irĩ hamwe: Ciĩko iria mũthuri areka igatũma arĩrie mũtumia wake ũũru. 1. Agĩthikĩrĩria nyĩmbo njũru. 2. Agĩkenera kwĩrorera mũthako wa ngundi TV-inĩ marĩ na mũrata wake. Mbica irĩ hamwe: Ciĩko iria mũthuri o ro ũcio areka igatũma arĩrie mũtumia wake na njĩra ya ũtugi. 1. Agĩthoma Bibilia. 2 Marĩ na mũtumia wake makĩaranĩria na mũrata wao Nyũmba-inĩ ya Ũthamaki.

      Nĩ kĩĩ kĩngĩhutia ũrĩa waragia?

      Thomai Kohelethu 3:1, 7, mũcoke mwarĩrĩrie kĩũria gĩkĩ:

      • Nĩ rĩ ũngĩkorũo ũrĩ ũndũ wa ũũgĩ gũkira kana gweterera ihinda rĩega rĩa kwaria?

      5. Aragia maũndũ mega megiĩ andũ arĩa angĩ

      Tũngĩĩthema atĩa gũtuurithia arĩa angĩ kana kwaria maũndũ matarĩ ma ũtugi? Mwĩrorerei VIDEO ĩno, mũcoke mwarĩrĩrie ciũria iria irũmĩrĩire.

      VIDEO: ‘Aragia Maũndũ Mega ma Gwaka Arĩa Angĩ’ (4:07)

      • Kũringana na video ĩyo-rĩ, nĩ kĩĩ gĩatũmire mũrũ wa Ithe witũ ũcio ende kũgarũrĩra maũndũ marĩa aaragia megiĩ arĩa angĩ?

      • Eekire atĩa nĩguo agarũrĩre?

      Thomai Kohelethu 7:16, mũcoke mwarĩrĩrie kĩũria gĩkĩ:

      • Twagĩrĩirũo kũririkana ũndũ ũrĩkũ rĩrĩa twaigua tũkĩenda kwaria maũndũ moru megiĩ andũ arĩa angĩ?

      Thomai Kohelethu 7:21, 22, mũcoke mwarĩrĩrie kĩũria gĩkĩ:

      • Mĩhari ĩno ĩngĩgũteithia atĩa kwaga kũrakara rĩrĩa mũndũ aria maũndũ moru makwĩgiĩ?

      6. Aragia na andũ anyu a famĩlĩ na njĩra ya ũtugi

      Jehova endaga twaranagĩrie na andũ aitũ a famĩlĩ na njĩra ya ũtugi na ya wendo. Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.

      VIDEO: Wendo na Gĩtĩo nĩ Inyitithanagia Famĩlĩ (3:08)

      • Nĩ kĩĩ kĩngĩgũteithia kwaragĩria andũ anyu a famĩlĩ na njĩra ya ũtugi?

      Thomai Aefeso 4:31, 32, mũcoke mwarĩrĩrie kĩũria gĩkĩ:

      • Nĩ mĩario ya mũthemba ũrĩkũ ĩngĩaka andũ aitũ a famĩlĩ?

      Jehova nĩ ooigire ũrĩa aaiguaga igũrũ rĩgiĩ Mũrũ wake, Jesu. Thomai Mathayo 17:5, mũcoke mwarĩrĩrie kĩũria gĩkĩ:

      • Ũngĩĩgerekania na Jehova atĩa rĩrĩa ũraria na andũ anyu a famĩlĩ?

      Mũtumia akĩgaathĩrĩria kairĩtu gake nĩ ũndũ wa gũcora.

      Caragia mĩeke ya kũgaathĩrĩria arĩa angĩ

      ANDŨ AMWE MOIGAGA: “Niĩ njaragia ũrĩa kũrĩ. Angĩkorũo andũ matirakenio nĩ ũrĩa ndĩroiga, ũcio ti thĩna wakwa.”

      • Nĩ ũretĩkania na ũndũ ũcio? Nĩkĩ?

      ŨRĨA TWERUTA

      Ciugo nĩ irĩ hinya. Nĩ tũrabatara gwĩciria na kinyi ũndũ ũrĩa tũkuuga, rĩrĩa tũkũuga, na ũrĩa tũkuuga ũndũ ũcio.

      Ciũria cia gũcokera

      • Nĩ na njĩra ta irĩkũ ũngĩhũthĩra mĩario yaku gũteithia arĩa angĩ?

      • Nĩ mĩario ya mũthemba ũrĩkũ wagĩrĩirũo gwĩthema?

      • Nĩ kĩĩ kĩngĩtũteithia kwaragia na njĩra ya ũtugi na ĩraaka arĩa angĩ?

      Geria gwĩka ũũ

      RIKĨRA

      Nĩ kĩĩ kĩngĩtũteithia kwaragia na njĩra ĩrekĩra andũ arĩa angĩ ngoro?

      Wĩrutanĩrie Kũgĩa na Rũrĩmĩ rwa Andũ Arĩa Ogĩ (8:04)

      Wĩrute kĩrĩa kĩngĩgũteithia gwĩthema kũhũthĩra ciugo njũru.

      “Hihi nĩ Ũũru Kũrumana?” (Gĩcunjĩ thĩinĩ wa jw.org/ki)

      Rora wone ũrĩa ũngĩĩthema mũcene mũũru.

      Ingĩĩthema Atĩa Mũcene Mũrũ? (2:36)

      Thoma wone ũrĩa Jehova aateithirie mũndũ ũmwe gũtiga kũhũthĩra ciugo njũru.

      “Nĩ Ndambĩrĩirie Gwĩciria na Njĩra Ndikĩru Kũrĩa Ũtũũro Wakwa Warorete” (Mũrangĩri, Agosti 1, 2013)