Andũ Ethĩ Koragwoi na “Kĩyo gĩa Gwĩkaga Maũndũ Mega”

Mũtũmwo Paulo akĩandĩkĩra Tito marũa atongoretio nĩ roho, aandĩkire atĩ andũ ethĩ, nginya Tito, nĩ magĩrĩire kwĩrutanĩria nĩguo matuĩke “kĩonereria gĩa ciĩko njega na njĩra ciothe.” (Tit 2:6, 7) Thutha-inĩ thĩinĩ wa mũrango o ũcio, Paulo nĩ oonanirie atĩ andũ a Jehova nĩ matheragio nĩguo makorũo na “kĩyo gĩa gwĩkaga maũndũ mega.” (Tit 2:14) Wĩra wa kũhunjia na kũrutana ũhoro wa Ũthamaki wa Ngai nĩ ũmwe wa ciĩko iria njega. Angĩkorũo ũrĩ mũndũ mwĩthĩ-rĩ, hihi no ũhũthĩre hinya wa ũnyinyi waku gũtungata ũrĩ painia wa gũteithĩrĩria kana wa hĩndĩ ciothe?—Thi 20:29.

Angĩkorũo no wende gũtungata ũrĩ painia, banga ũrĩa ũngĩhota gwĩka ũguo. (Lu 14:28-30) Kwa ngerekano-rĩ, ũrĩrutaga kũ mbeca cia mahũthĩro maku ũrĩ ũtungata-inĩ wa mahinda mothe? Ũrĩkaga atĩa nĩguo ũhingie mathaa marĩa mendekanaga? Hoya Jehova agũteithie. (Thb 37:5) Arĩrĩria mĩbango yaku hamwe na aciari aku na arĩa mahotete gũtungata marĩ mapainia. Ũcoke woe makinya marĩa magĩrĩire nĩguo ũkinyĩre muoroto waku. Hatarĩ nganja Jehova nĩ ekũrathima kĩyo gĩaku ũtungata-inĩ wake.

WĨRORERE VIDEO YA ANDŨ ETHĨ ARĨA MATĨITHAGIA JEHOVA, ŨCOKE ŨCOKIE CIŨRIA ICI:

• Nĩ moritũ marĩkũ andũ amwe mahiũranĩtie namo nĩguo mahote gũtungata marĩ mapainia, na maahotire atĩa gwĩka ũguo?

• Aciari mangĩteithia ciana ciao atĩa ituĩke mapainia a hĩndĩ ciothe?

• Gũkorũo na mũtaratara wa kũhunjia nĩ kwa bata nĩkĩ?

• Andũ arĩa angĩ kĩũngano-inĩ mangĩteithia mapainia atĩa na mamekĩre ngoro?

• Arĩa matungataga marĩ mapainia monaga irathimo irĩkũ?