Thĩ “Ĩkĩmeria Rũũĩ”

Mahinda-inĩ matiganĩte thĩinĩ wa historĩ, thirikari cia andũ nĩ cianateithia ndungata cia Jehova. (Eza 6:1-12; Es 8:10-13) O na mahinda-inĩ maya nĩ tuonete “thĩ,” ĩrĩa ĩrũgamĩrĩire andũ marĩ na mawoni maigananĩru, ĩkĩmeria “rũũĩ” rwa mĩnyamaro rũrĩa rũrehetwo nĩ “ndamathia,” Shaitani ũrĩa Mũcukani. (Kũg 12:16) Rĩmwe Jehova, “Ngai [ũrĩa] ũhonokanagia,” no ahũthĩre anene a thirikari nĩguo mahe andũ ake ũteithio.—Thb 68:20; Thi 21:1.

Ĩ ũngĩohwo njera nĩ ũndũ wa wĩtĩkio waku? Ndũkanekĩrĩre nganja atĩ Jehova nĩ akũrũmbũyagia. (Kĩa 39:21-23; Thb 105:17-20) Korũo na ma atĩ nĩ ũkaaheo ngerenwa nĩ ũndũ wa wĩtĩkio waku, na atĩ wĩhokeku waku nĩ wĩkĩraga ngoro aarĩ na ariũ a Ithe witũ thĩinĩ wa thĩ yothe.—Afi 1:12-14; Kũg 2:10.

WĨRORERE VIDEO YA ARIŨ A ITHE WITŨ A KOREA KŨREKERERIO KUUMA NJERA, ŨCOKE ŨCOKIE CIŨRIA ICI:

• Nĩ kĩĩ gĩatũmaga ariũ a Ithe witũ maikio njera kwa ihinda rĩa mĩaka mĩingĩ bũrũri-inĩ wa South Korea?

• Nĩ matua marĩkũ ma igooti maatũmire ariũ a Ithe witũ marekererio o na kĩoho kĩao gĩtathirĩte?

• Tũngĩteithĩrĩria aarĩ na ariũ a Ithe witũ atĩa arĩa mohetwo nĩ ũndũ wa wĩtĩkio wao thĩinĩ wa thĩ yothe?

• Twagĩrĩirũo kũhũthĩra atĩa wĩyathi o wothe tũngĩkorũo naguo ihinda-inĩ rĩrĩ?

• Nũũ wagĩrĩire gũcokerio ngatho nĩ ũndũ wa ũhootani o wothe tũgĩaga naguo igooti-inĩ?