Rwĩmbo Na. 114
Ibuku rĩa Ngai nĩ Mũthithũ
Rĩrĩa Icabe
1. Kwĩna ibuku rĩtũmaga andũ
Magĩe na thayũ o na gĩkeno.
Ciugo ciarĩo Irĩ na hinya mũingĩ,
Rĩtũmaga andũ magĩe muoyo.
Ibuku rĩu nĩrĩo Bibilia.
Rĩandĩkirũo Nĩ andũ mendete
Jehova Ngai biũ kuuma ngoro,
Magĩtongorio nĩ roho wake.
2. Maandĩkire ũhoro wĩgiĩ ũũmbi
Ũrĩa igũrũ na thĩ ciombirũo.
Ũrĩa mũndũ aarĩ mũkinyanĩru
Na ũrĩa Paradiso yorire.
Ningĩ ũhoro wĩgiĩ mũraika
Waregire gwathĩkĩra Ngai,
Agĩtũma andũ matuĩke ehia
No Jehova nĩ ekũhootana.
3. Tũratũũra mahinda ma gĩkeno
Ũthamaki rĩu nĩũrathana.
Ihinda rĩrĩ nĩ rĩa ũhonokio
Harĩ arĩa megũka he Ngai.
Ibuku rĩake rĩ ũhoro mwega
Irio cia kĩĩroho cia gũtwaka,
Rĩtũmaga andũ magĩe na thayũ
Ibuku rĩu ma nĩ mũthithũ.
(Ningĩ rora 2 Tim. 3:16; 2 Pet. 1:21.)