Ihoya rĩa Gũcokia Ngatho

1. Jehova wĩ mwega, nĩ wagĩrĩire

Kũgoocagwo wee wĩ mwene hinya.

Twakwĩnyihĩria Mũigua wa mahoya,

Tũkĩhoya ũtũmenyerere.

Nĩ tũkũhĩtagĩria o mũthenya;

Tũgũkũũria ũtũrekagĩre.

Twagũrirũo na thakame ya Jesu.

Wendi witũ nĩ kũrutwo nĩ wee.

2. Gũkena nĩ arĩa othe wĩtaga

Moke ũmarute njĩra ciaku.

Tũrute Kiugo gĩaku tũkũmenye.

Na tũtũũre nyũmbainĩ yaku.

Guoko gwaku Ngai kwĩ hinya mũingĩ,

Gũtũhotithagia kũũmĩrĩria.

Ũthamaki waku tũũgoocage.

Na tũũhunjie nĩ wa gũtũũra.

3. Nĩ tũkenagĩre wega waku wee;

Na ũthathayagio kũndũ guothe.

Ũthamaki waku mwega nĩ ũũke,

Ũniine ndwari, gĩkuũ, na kĩeha.

Jesu nĩ akeheria waganu wothe;

Naguo ũũmbi wothe ũkenere.

Rekei twanĩrĩre twĩ na ngatho:

“Goocai Jehova, Mũthamaki!”