RWĨMBO NA. 139
Hũũra Mbica Ũrĩ Thĩ Njerũ
Rĩrĩa Icabe
1. Ta wĩyone, na ũnyone,
tũgĩtũũra thĩinĩ wa thĩ njerũ.
Ta wĩcirie hĩndĩ ĩyo
thayũ mũingĩ gũtarĩ guoya.
Gũtarĩ na andũ oru,
wathani wa Ngai ũtoorie.
Ũnene wake ũkorũo ũkĩte,
tũkainĩra Ngai
kuuma ngoro thĩinĩ:
(KORASI)
“Jehova Ngai, nĩ ngatho mũno.
Jesu erũhĩtie indo ciothe.
Ngatho citũ nyingĩ igũcokerere.
Ngumo ũgooci gĩtĩo nĩ twakũhe.”
2. Ta wĩyone, na ũnyone,
hũra mbica wee ũrĩ thĩ njerũ.
Tũtekuona, kana kũigua
maũndũ ma gũtũhahũra.
Uuge wake ũkĩhinga,
rĩu Ngai arĩ na ithuĩ.
Nĩekũriũkia andũ arĩa makuĩte.
Tũmũkumie tũmũgooce
hamwe nao:
(KORASI)
“Jehova Ngai, nĩ ngatho mũno.
Jesu erũhĩtie indo ciothe.
Ngatho citũ nyingĩ igũcokerere.
Ngumo ũgooci gĩtĩo nĩ twakũhe.”
(Ningĩ rora Thab. 37:10, 11; Isa. 65:17; Joh. 5:28; 2 Pet. 3:13.)