Rwĩmbo Na. 10
‘Niĩ Ũyũ Haha Ndũma’
Rĩrĩa Icabe
1. Andũ nĩ macambithagia,
Rĩĩtwa rĩega rĩa Jehova.
Makoiga: “Gũtirĩ Ngai!”
Kana ndarĩ hinya na tha.
Nũ ũgũkĩmũtetera?
Nũ ũkũmũgooca maigue?
“Niĩ ũyũ haha ndũma!
Ngũgooce ndĩ mwĩhokeku.
(KORASI)
Nĩ gĩtĩo kĩnene mũno.
Ndĩ haha Ngai ndũma.”
2. Moigaga we e kahora;
Matiũĩ kũmwĩtigĩra.
Mahoyaga mĩhianano;
Na makagooca anene.
Nũ ũkũmahe mũkaana
Wa mbara nene ya Ngai?
“Niĩ ũyũ haha ndũma!
Ndĩmahe mũkaana ũcio.
(KORASI)
Nĩ gĩtĩo kĩnene mũno.
Ndĩ haha Ngai ndũma.”
3. Amwe nĩ maracakaya
Nĩ kũingĩha kwa waganu.
Na ngoro theru maretha
Ma na thayũ wa meciria.
Nũ ũrĩmomagĩrĩria
Na amarute ũthingu?
“Niĩ ũyũ haha ndũma!
Ndĩmarute ngirĩrĩirie.
(KORASI)
Nĩ gĩtĩo kĩnene mũno.
Ndĩ haha Ngai ndũma.”
(Ningĩ rora Thab. 10:4; Ezek. 9:4.)