Kwambĩrĩria Septemba, Kabuku ka Mũcemanio wa Ũtũũro na Ũtungata Witũ nĩ karĩkoragwo na gacunjĩ kerũ ka ũrĩa ũngiuga karĩa karĩĩtagwo “Rutana Ũhoro Ũrĩa wa Ma.” Muoroto witũ ũrĩkoragwo ũrĩ kwarĩrĩria na njĩra nguhĩ ma ĩmwe ya mũthingi tũkĩhũthĩra kĩũria na rĩandĩko.

Tũngĩona mũndũ nĩ akenio nĩ ũhoro, no tũmũtigĩre ibuku kana tũmuonie video kuuma jw.org nĩguo tũmũhaarĩrĩrie nĩ ũndũ wa rĩrĩa tũkamũcokera. Twagĩrĩirũo gũcoka thutha wa thikũ nini nĩguo tũtwarithie ndeereti na mbere. Gacunjĩ gaka o hamwe na tũcunjĩ twa arutwo tũriumaga harĩ maũndũ marĩa manene kuuma icunjĩ-inĩ cia ibuku rĩa Bibilia Ĩngĩtũruta Atĩa? Ibuku-inĩ rĩu no wone ciũria ingĩ na maandĩko mangĩgũteithia gũcokera mũndũ kana gũtongoria wĩruti ũkĩhũthĩra Bibilia iki.

Kũrĩ njĩra o ĩmwe tu ĩtongoragia muoyo-inĩ. (Mat 7: 13, 14) No mũhaka tũheane ndũmĩrĩri ya Bibilia na njĩra ĩkũgucĩrĩria o mũndũ, tondũ twaragia na andũ a ndini itiganĩte na a mĩrerere ngũrani. (1Ti 2:4) O ũrĩa tũkũgĩa na ũmenyo makĩria wĩgiĩ ma cia Bibilia na twagagĩrie njĩra citũ cia kũrutana tũkĩhũthĩra “wega kiugo kĩa ũhoro ũrĩa wa ma,” noguo gĩkeno gitũ gĩkuongerereka na tũgĩe na moimĩrĩro mega tũkĩruta andũ arĩa angĩ ũhoro ũrĩa wa ma.—2Ti 2:15.

Andũ othe thĩinĩ wa thĩ nĩ marabatara kũũmĩrĩrio. (Koh 4:1) Mweri-inĩ wa Septemba nĩ tũgekĩra kĩyo kĩa mwanya kũheana ngathĩti ya Mũrangĩri, ĩrĩa ĩkarĩrĩria ũhoro wĩgiĩ kũũmanĩrĩria. Tigĩra andũ aingĩ o ũrĩa kũngĩhoteka ngathĩti ĩno. O na kũrĩ ũguo, tondũ twendaga kwaranĩria na andũ ĩmwe kwa ĩmwe nĩguo tũmomĩrĩrie, tũtigatiga ngathĩti ĩno mĩciĩ ĩrĩa tũtagakora mũndũ.

NO UUGE

“Ithuothe nĩ tũbataraga kũũmĩrĩrio rĩmwe na rĩmwe. No hihi nũũ ũngĩtũũmĩrĩria? [Thoma 2 Akorintho 1:3, 4.] Ngathĩti ĩno ya Mũrangĩri nĩ ĩronania ũrĩa Ngai atũũmagĩrĩria.”

Mũndũ angĩonania wendi na etĩkĩre ngathĩti, . . .

MUONIE VIDEO YA WAGĨRĨIRŨO KWĨRUTA BIBILIA NĨKĨ?

Ũcoke ũmuonie ũrĩa mũngĩĩruta Bibilia nake.

GWETA ŨNDŨ ŨRĨA MŨKAARĨRĨRIA WACOKA

Mũũrie kĩũria kĩrĩa mũkaarĩrĩria, ta “Ngai etĩkĩrĩtie mĩnyamaro nĩkĩ?”