ŨTŨŨRO WA GĨKRISTIANO
Ũrĩa Arĩa Marĩ Kĩhiko-inĩ Mangĩkĩra Kĩhiko Kĩao Hinya
Iburahimu na Sara nĩ kĩonereria kĩega kĩa andũ mahikanĩtie arĩa meendanĩte na makaheana gĩtĩo. (Kĩa 12:11-13; 1Pe 3:6) O na kũrĩ ũguo, kĩhiko kĩao gĩtiarĩ gĩkinyanĩru na nĩ maakiragĩrĩria mathĩna ũtũũro-inĩ. Nĩ ũndũ ũrĩkũ arĩa mahikanĩtie mangĩĩruta mangĩĩcũrania kĩonereria kĩa Iburahimu na Sara?
Aranagĩriai. Cokia wĩnyihĩtie rĩrĩa watuurithio kana warakario nĩ ũrĩa mũhikanĩtie nake. (Kĩa 16:5, 6) Bangai kũhũthagĩra mahinda hamwe. Onia ũrĩa mũhikanĩte nake atĩ nĩ ũmwendete, kũgerera ciugo na ciĩko. Makĩria ma ũguo, tigĩrĩrai atĩ nĩ mũraiga ũrata wanyu na Jehova mbere kũgerera kwĩruta, kũhoya, na gũthathaiya hamwe. (Koh 4:12) Ihiko irĩ na hinya nĩ igoocithagia Jehova, ũrĩa nĩ we Kĩhumo kĩa mũbango ũcio mũtheru.
WĨRORERE VIDEO YA ŨRĨA TŨNGĨKĨRA HINYA KĨHIKO GITŨ, ŨCOKE ŨCOKIE CIŨRIA ICI:
Nĩ maũndũ marĩkũ thĩinĩ wa video ĩyo monania atĩ Shaan na Kiara maathiaga maraihanĩrĩirie?
Kwaranĩria andũ matekũhithĩrĩra ũndũ nĩ kwa bata kĩhiko-inĩ nĩkĩ?
Kĩonereria kĩa Iburahimu na Sara gĩateithirie Shaan na Kiara atĩa?
Nĩ makinya marĩkũ Shaan na Kiara mooire nĩguo mekĩre hinya kĩhiko kĩao?
Nĩkĩ mũthuri na mũtumia matiagĩrĩirũo kwĩrĩgĩrĩra kĩhiko kĩao gĩkorũo kĩrĩ gĩkinyanĩru?
No Wĩkĩre Kĩhiko Kĩanyu Hinya!