Mabuku Marĩa Magwetetwo Thĩinĩ wa Kabuku ka Mũcemanio wa Ũtũũro na Ũtungata
NOVEMBA 2-8
MŨTHITHŨ KUUMA KIUGO-INĨ KĨA NGAI | THAMA 39-40
“Musa nĩ Aarũmĩrĩire Biũ Maũndũ Marĩa Aathĩtwo”
w05 7/15 27 kĩb. 3
Hihi wĩ Mwĩhokeku Maũndũ-inĩ Mothe?
3 Ahibirania 3:5 yugaga atĩ, “Musa aarĩ mwĩhokeku arĩ ndungata.” Nĩ kĩĩ gĩatũmire Musa erũo atĩ aarĩ mwĩhokeku? Ũhoro-inĩ wĩgiĩ gwaka na kũbanga gĩikaro kĩrĩa kĩamũre, ‘Musa eekire ũrĩa wothe Jehova aamwathĩte. Ũguo noguo eekire.’ (Thama 40:16) Tũrĩ athathaiya a Jehova, tuonanagia wĩhokeku witũ na njĩra ya kũmwathĩkĩra rĩrĩa tũramũtungatĩra. Ũndũ ũcio ũhutĩtie gũikara tũrĩ ehokeku harĩ Jehova rĩrĩa tũracemania na magerio maritũ. No kũhota kũhiũrania na magerio manene, toguo tu ũndũ ũrĩa wonanagia wĩhokeku witũ. Jesu aaugire ũũ: “Mũndũ ũrĩa mwĩhokeku ũndũ-inĩ mũnini nĩ mwĩhokeku nginya maũndũ-inĩ manene, nake mũndũ ũrĩa ũtarĩ mwĩhokeku ũndũ-inĩ mũnini ti mwĩhokeku nginya maũndũ-inĩ manene.” (Luka 16:10) No mũhaka tũkorũo tũrĩ ehokeku nginya tũmaũndũ-inĩ tũnini.
Kũmaatha Maũndũ ma Bata Maandĩko-inĩ
it-2 884 kĩb. 3
Njũũa cia Sili
Kũrĩa Aisiraeli maacirutaga. O na gũtuĩka kaingĩ sili cionekaga kũndũ kũrĩa kũrĩ na heho nene, nĩ kũrĩ imwe cionekaga kũndũ kũrĩ na ũrugarĩ. Ũmũthĩ nĩ kũrĩ mĩthemba ya sili ĩikaraga Iria-inĩ rĩa Mediterenia, na maria mangĩ makoragwo kũndũ kũrĩ na ũrugarĩ. O ũrĩa mĩaka ĩhĩtũkĩte, andũ nĩ matũmĩte mũigana wa sili ũnyihe mũno, na mahinda-inĩ ma Bibilia no kũhoteke nyamũ icio ciarĩ nyingĩ Iria-inĩ rĩa Mediterenia na Iria-inĩ Itune. Mwaka-inĩ wa 1832, ibuku ria Gĩthũngũ rĩa Calmet rĩtagwo Dictionary of the Holy Bible rĩaugire ũũ: “Icigĩrĩra-inĩ nyingĩ nini cia Iria Itune, gĩcigo-inĩ gĩa Sinai nĩ kũrĩ sili.”
NOVEMBA 9-15
MŨTHITHŨ KUUMA KIUGO-INĨ KĨA NGAI | MAŨNDŨ MA ALAWII 1-3
“Muoroto wa Magongona”
it-2 525
Magongona
Magongona ma Njino. Magongona ma njino maarutagĩrũo Ngai marĩ magima. Mũndũ ũrĩa ũraruta igongona ndaagĩrĩirũo gũtigwo na gĩcunjĩ o na kĩmwe kĩa nyamũ ĩyo. (Ringithania na Ati 11:30, 31, 39, 40.) Maarutagwo marĩ ma gũthaitha Jehova etĩkĩre kana onanie atĩ nĩ etĩkĩra igongona rĩa mehia rĩrĩa rĩarutagwo hamwe namo rĩmwe na rĩmwe. Jesu Kristo eerutire e wothe o ta “igongona rĩa njino.”
it-2 528 kĩb. 4
Magongona
Magongona ma Mũtu. Magongona ma mũtu maarutagwo hamwe na magongona ma ũiguano, magongona ma njino, na magongona ma mehia. Ningĩ nĩ maarutagwo marĩ maciaro ma mbere; rĩmwe nĩ maarutagwo marĩ moiki. (Tham 29:40-42; Ala 23:10-13, 15-18; Nda 15:8, 9, 22-24; 28:9, 10, 20, 26-28, na mũrango wa 29) Maarĩ ma kuonania ngatho harĩ Ngai nĩ ũndũ wa kũheana irathimo nyingĩ na ũgaacĩru mũnene.
it-2 526 kĩb. 1
Magongona
Magongona ma Ũiguano (kana magongona ma thayũ). Magongona ma ũiguano marĩa maarĩ metĩkĩrĩku harĩ Jehova, moonanagia thayũ hamwe nake. Ũrĩa warutaga igongona hamwe na famĩlĩ yake nĩ maarĩaga igongona rĩu (marĩ nja ya gĩikaro kĩrĩa kĩamũre; kũringana na ũndũire gwathondekagwo ithũnũ mwena wa thĩinĩ wa mbathia gũthiũrũrũkĩria nja ya gĩikaro kĩrĩa kĩamũre; thĩinĩ wa hekarũ kwarĩ na rumu cia kũrĩĩra). Mũthĩnjĩri-Ngai ũrĩa warutaga igongona nĩ aaheagwo gĩcunjĩ, na athĩnjĩri-Ngai arĩa maakoragwo makĩruta wĩra ihinda-inĩ rĩu makaheo gĩcunjĩ kĩngĩ. Nake Jehova aamũkagĩra mũtararĩko wa ndogo wa maguta marĩa maacinagwo. Thakame, ĩrĩa yarũgamagĩrĩra muoyo, yaheagwo Ngai ĩrĩ yake. Kwoguo nĩ ta athĩnjĩri-Ngai, arĩa maarutaga magongona, na Jehova maarĩanagĩra hamwe kuonania atĩ kwarĩ na thayũ gatagatĩ-inĩ kao. Mũndũ ũrĩa ũngĩarĩire arĩ na thahu, thahu wa mũthemba o wothe ũrĩa wagwetetwo watho-inĩ kana arĩe nyama ĩhĩtũkĩtie ihinda rĩrĩa rĩagĩrĩire, (kũndũ kũrĩa kwarĩ na ũrugarĩ nyama ĩyo nĩ ĩngĩambĩrĩirie gũthũka) aagĩrĩire kũũragwo. Aakoragwo athahĩtie igongona rĩu nĩ ũndũ wa gũkorũo arĩ na thahu we mwene kana kũrĩa kĩndũ kĩrĩa gĩtagĩrĩire maitho-inĩ ma Jehova, na njĩra ĩyo akaga gũtĩa indo iria nyamũre.—Ala 7:16-21; 19:5-8.
Kũmaatha Maũndũ ma Bata Maandĩko-inĩ
w04 5/15 22 kĩb. 1
Matemo Kuuma Ibuku-inĩ rĩa Maũndũ ma Alawii
2:13—Nĩkĩ kwarĩ o mũhaka kũrutwo cumbĩ harĩ igongona o rĩothe? Ũndũ ũcio ndwekagwo nĩguo magongona magĩe na cama. Kũndũ kũingĩ thĩinĩ wa thĩ, cumbĩ nĩ ũhũthagĩrũo kũgirĩrĩria indo itigathũke. No kũhoteke warutagwo hamwe na magongona tondũ wonanagia kwaga gũthũka na kwaga kũbutha.
it-1 813
Maguta
Gĩtũmi kĩa watho. Rungu wa Kĩrĩkanĩro kĩa Watho, thakame na maguta cionagwo irĩ cia Jehova wiki. Thakame yarĩ na muoyo na Jehova nowe tu ũngĩhota kũũheana, kwoguo yarĩ yake. (Ala 17:11, 14) Maguta moonagwo marĩ gĩcunjĩ kĩrĩa kĩega biũ kĩa nyama cia nyamũ. Kũruta maguta ma nyamũ kuoonanagia atĩ mũndũ nĩ arataũkĩrũo atĩ icunjĩ iria njega biũ ciarĩ cia Jehova, ũrĩa ũheanaga kwa ũingĩ, na kuoonanagia atĩ ũrĩa ũraruta igongona no ende kũhe Jehova kĩrĩa kĩega biũ. Tondũ maguta moonanagia wendi wa Aisiraeli wa kũhe Jehova kĩrĩa kĩega biũ, maatuĩkaga atĩ maarutaga ndogo igũrũ rĩa kĩgongona marĩ ta “irio” na marĩ “mũtararĩko mwega” harĩ we. (Ala 3:11, 16) Kwoguo kũrĩa maguta kwarĩ kuoya na njĩra ĩtagĩrĩire kĩndũ kĩamũrĩirũo Ngai, na kwarĩ kũingĩrĩra ihooto cia Jehova. Mũndũ angĩarĩire maguta aagĩrĩire kũũragwo. No ngũrani na thakame, maguta nĩ mangĩahũthĩrirũo na njĩra ingĩ na makĩria angĩkorũo nĩ ma nyamũ ĩkuĩte yo nyene kana yũragĩtwo nĩ nyamũ ĩngĩ.—Ala 7:23-25.
w04 5/15 22 kĩb. 2
Matemo Kuuma Ibuku-inĩ rĩa Maũndũ ma Alawii
3:17. Tondũ maguta moonagwo marĩ gĩcunjĩ kĩrĩa kĩega biũ, watho wa kũgiria Aisiraeli kũmarĩa wamonagia atĩ gĩcunjĩ kĩrĩa kĩega biũ kĩarĩ kĩa Jehova. (Kĩambĩrĩria 45:18) Ũndũ ũcio ũtũririkanagia atĩ twagĩrĩirũo kũhe Jehova kĩrĩa kĩega biũ.—Thimo 3:9, 10; Akolosai 3:23, 24.
NOVEMBA 16-22
MŨTHITHŨ KUUMA KIUGO-INĨ KĨA NGAI | MAŨNDŨ MA ALAWII 4-5
“Heaga Jehova Kĩrĩa Kĩega Biũ”
it-2 527 kĩb. 9
Magongona
Magongona ma mahĩtia. Magongona ma mahĩtia o namo maarutagwo nĩ ũndũ wa mehia, tondũ ihĩtia o rĩothe nĩ rĩahutanĩtie na mehia. Maarutagwo nĩ ũndũ wa mehia ma mwanya marĩa mũndũ aagĩĩte na mahĩtia nĩ ũndũ wamo, na maarĩ ngũrani hanini na magongona mangĩ ma mehia tondũ kuonekaga atĩ maarĩ ma gũcokia kĩhooto kĩna kĩrĩa kĩaagararĩtwo. Kĩhooto kĩa Jehova nĩkĩo gĩakoragwo kĩagararĩtwo, kana kĩhooto kĩa rũrĩrĩ rwake rwamũre. Igongona rĩa mahĩtia rĩarĩ rĩa kũhooreria Jehova nĩ ũndũ wa kĩhooto kĩrĩa kĩaagararĩtwo, kana gũcokia ihooto imwe cia kĩrĩkanĩro cia mwĩhia ũrĩa werirĩte na kũmwehereria ũndũ ũrĩa aagĩrĩire gwĩkwo nĩ ũndũ wa mehia make.—Ringithania Isa 53:10.
w09 6/1 26 kĩb. 3
Nĩ Eciragia Ũhoro wa Ũhoti Witũ
Gũkorũo atĩ Jehova nĩ atwĩciragia nĩ kuonekaga thĩinĩ wa Watho ũrĩa woigĩte ũũ: “No angĩkorũo ndangĩhota kũruta ngʼondu, agĩrĩirũo kũrehera Jehova ndutura igĩrĩ kana njui igĩrĩ cia ndirahũgĩ irĩ igongona rĩa mahĩtia nĩ ũndũ wa mehia macio make.” (Mũhari wa 7) Ciugo “angĩkorũo ndangĩhota kũruta” ningĩ no itaũrũo “angĩkorũo guoko gwake gũtingĩhota gũkinyĩra.” Mũisiraeli angĩakorirũo arĩ mũthĩni mũno ũndũ atangĩahotire kũruta ngʼondu, Ngai nĩ eetĩkagĩra kĩndũ kĩrĩa angĩahotire gũkinyĩra—ndutura igĩrĩ kana ndirahũgĩ igĩrĩ.
w09 6/1 26 kĩb. 4
Nĩ Eciragia Ũhoro wa Ũhoti Witũ
Ĩ angĩkorũo mũndũ ndangĩahotire kũruta nginya nyoni icio igĩrĩ? Watho woigĩte ũũ: “Agĩrĩirũo gũtwara igongona rĩa mehia make rĩa mũtu mũhinyu gĩcunjĩ kĩmwe harĩ ikũmi kĩa eba [ikombe inyanya kana kenda] nĩ ũndũ wa igongona rĩa mehia.” (Mũhari wa 11) Mũisiraeli angĩakorirũo arĩ mũthĩni mũno, Jehova nĩ aamwĩtĩkagĩria kũruta igongona rĩa mehia rĩtarĩ na thakame. Thĩinĩ wa Isiraeli, ũthĩni ndwagiragia mũndũ kwamũkĩra kĩrathimo kĩa mehia make kũhumbĩrũo kana mweke wa gũcokia thayũ hamwe na Ngai.
Kũmaatha Maũndũ ma Bata Maandĩko-inĩ
it-1 1130 kĩb. 2
Ũtheru
Nyamũ na Maciaro ma Mũgũnda. Maciaro ma mbere ma mũgũnda na gĩcunjĩ gĩa ikũmi ciakoragwo irĩ theru, o ta magongona mothe na iheo ciothe iria ciaamũragwo nĩ ũndũ wa ũtungata wa harĩa hatheru. (Tham 28:38) Indo ciothe iria ciarĩ theru harĩ Jehova ciarĩ nyamũre na ũndũ ũcio waagĩrĩire kuoywo na ũritũ na itiaagĩrĩire kũhũthĩrũo na njĩra ĩtagĩrĩire. Ngerekano ĩmwe nĩ watho wĩgiĩ gĩcunjĩ gĩa ikũmi. Mũndũ angĩaigire gĩcunjĩ gĩa ikũmi gĩa kĩndũ, ta hihi ngano, acoke we kana mũndũ wa famĩlĩ yake akĩhũthĩre atekũmenya, hihi aruge, mũndũ ũcio aakoragwo na mahĩtia ma kuuna watho wa Ngai wĩgiĩ indo theru. Watho woigĩte atĩ aagĩrĩirũo kũrĩha harĩa hatheru kĩndũ kĩiganaine na kĩu na ongerere gĩcunjĩ kĩa 20 gĩa kĩndũ kĩu, na arute ndũrũme ĩtarĩ na kaũgũ kuuma rũũru-inĩ ĩrĩ igongona. Nĩ ũndũ ũcio, indo iria theru nĩ ingĩaheirũo gĩtĩo tondũ ciarĩ cia Jehova.—Ala 5:14-16.
NOVEMBA 23-29
MŨTHITHŨ KUUMA KIUGO-INĨ KĨA NGAI | MAŨNDŨ MA ALAWII 6-7
“Kuonania Ngatho”
w00 8/15 15 kĩb. 15
Magongona Marĩa Maakenagia Ngai
15 Igongona rĩngĩ rĩa kwĩyendera rĩrĩa rĩarutagwo nĩ igongona rĩa ũiguano, rĩrĩa rĩtaarĩirio thĩinĩ wa Maũndũ ma Alawii mũrango wa 3. Igongona rĩu ningĩ no rĩĩtwo “igongona rĩa magongona ma thayũ.” Rũthiomi-inĩ rwa Kĩhibirania, kiugo “thayũ” gĩtionanagia tu o gũkorũo gũtarĩ na mbaara. Ibuku rĩtagwo Studies in the Mosaic Institutions riugaga atĩ “thĩinĩ wa Bibilia, kiugo kĩu no kĩonanie ũguo, na ningĩ no kĩonanie mũndũ gũkorũo na thayũ hamwe na Ngai, kũgaacĩra, na gĩkeno.” Kwoguo magongona ma ũiguano matiarutagwo nĩguo mũndũ acokie thayũ hamwe na Ngai, ta hihi maarĩ ma kũmũhooreria, no maarutagwo marĩ ma kuonania ngatho kana gũkenera thayũ ũrĩa wakoragwo ho gatagatĩ ka Ngai na andũ arĩa meetĩkĩrĩkĩte nĩwe. Thutha wa thakame na maguta kũrutĩrũo Jehova, athĩnjĩri-Ngai na arĩa maarutaga igongona rĩu nĩ maarĩanagĩra hamwe. (Maũndũ ma Alawii 3:17; 7:16-21; 19:5-8) Kwoguo nĩ ta ũrĩa warutaga igongona, athĩnjĩri-Ngai, na Jehova Ngai maarĩanagĩra hamwe, kuonania thayũ ũrĩa warĩ ho gatagatĩ-inĩ kao.
w00 8/15 19 kĩb. 8
Magongona ma Kũgooca Marĩa Makenagia Jehova
8 Ĩ nake mũndũ ũrĩa warutaga igongona? Watho woigĩte atĩ mũndũ o wothe ũngĩathiire mbere ya Jehova aagĩrĩirũo gũkorũo arĩ mũtheru atarĩ na thahu. Mũndũ wagĩĩte na thahu nĩ ũndũ wa gĩtũmi o gĩothe, aagĩrĩirũo kwamba kũruta igongona rĩa mehia kana igongona rĩa mahĩtia nĩguo acokie mũrũgamo mwega mbere ya Jehova, nĩgetha igongona rĩake rĩa njino kana igongona rĩake rĩa ũiguano rĩtĩkĩrĩke harĩ we. (Maũndũ ma Alawii 5:1-6, 15, 17) Nĩ ũndũ ũcio-rĩ, hihi nĩ tuonaga bata wa gũkoragwo na mũrũgamo mwega mbere ya Jehova hĩndĩ ciothe? Nĩguo ũthathaiya witũ wĩtĩkĩrĩke harĩ Ngai, no mũhaka tũhiũhage kũrũnga mahĩtia o mothe mahutanĩtie na kwagarara watho wa Ngai. Nĩ twagĩrĩirũo kũhũthĩra o na ihenya ũteithio ũrĩa Ngai atũheete—“athuri a kĩũngano” na Jesu Kristo, arĩ we “igongona rĩa ũiguano nĩ ũndũ wa mehia maitũ.”—Jakubu 5:14; 1 Johana 2:1, 2.
Kũmaatha Maũndũ ma Bata Maandĩko-inĩ
it-1 833 kĩb. 1
Mwaki
Ũrĩa wahũthagĩrũo gĩikaro-inĩ kĩrĩa kĩamũre na hekarũ-inĩ. Ayahudi aingĩ meetĩkĩtie atĩ mwaki ũrĩa wakoragwo kĩgongona-inĩ waakagio nĩ Ngai na njĩra ya kĩama, no Maandĩko matinyitaga mbaru ũndũ ũcio. Kũringana na ũtongoria ũrĩa Jehova aaheete Musa, ariũ a Haruni maagĩrĩirũo ‘gwakia mwaki kĩgongona-inĩ na mabange ngũ mwaki-inĩ ũcio’ matanaigĩrĩra igongona kĩgongona-inĩ. (Ala 1:7, 8) Thutha wa ũthĩnjĩri-Ngai wa Haruni kwamũrũo, ũguo nĩ kuuga thutha wa magongona ma mbere kũrutwo, nĩrĩo mwaki kuuma kũrĩ Jehova, hihi uumĩte itu-inĩ rĩrĩa rĩarĩ igũrũ wa gĩikaro kĩrĩa kĩamũre, wacinire igongona rĩrĩa rĩarĩ igũrũ wa kĩgongona. Kwoguo mwaki ũrĩa woimĩrire na njĩra ya kĩama ndwoimĩrire ũrĩ wa gwakia ngũ iria ciarĩ kĩgongona-inĩ, no warĩ wa “gũcina igongona rĩa njino na icunjĩ cia maguta iria ciarĩ kĩgongona-inĩ.” No kũhoteke atĩ mwaki ũrĩa wathiire na mbere gwakana kĩgongona-inĩ, woimanĩte na mũtukanio wa mwaki ũrĩa woimĩte kũrĩ Ngai na mwaki ũrĩa warĩ kĩgongona-inĩ. (Ala 8:14–9:24)
si 27 kĩb. 15
Ibuku rĩa 3 rĩa Bibilia—Maũndũ ma Alawii
15 (3) Igongona rĩa mehia rĩarutagwo nĩ ũndũ wa mehia marĩa mũndũ ekĩte atekũmenya, kana mehia mekĩtwo kĩĩmahĩtia. Mũthemba wa nyamũ ĩrĩa yarutagwo waringanaga na nĩ mehia ma ũ marahumbĩrũo—no makorũo marĩ mehia ma mũthĩnjĩri-Ngai, ma andũ marĩ othe, ma mũtongoria, kana ma mũndũ wa kawainda. Ngũrani na magongona ma njino na magongona ma ũiguano marĩa mũndũ aarutaga na kwĩyendera, magongona ma mehia maarĩ ma o mũhaka.—4:1-35; 6:24-30.
NOVEMBA 30–DICEMBA 6
MŨTHITHŨ KUUMA KIUGO-INĨ KĨA NGAI | MAŨNDŨ MA ALAWII 8-9
“Ũira wa Kuonania Kĩrathimo kĩa Jehova”
it-1 1207
Kwamũrũo
Musa nĩ aathambirie Haruni na ariũ ake Nadabu, Abihu, Eliazaru, na Ithamaru (kana akĩmeera methambe) kĩraĩ-inĩ gĩa gĩcango kĩrĩa kĩarĩ nja ya gĩikaro kĩamũre, na akĩhumba Haruni nguo irĩ na riri cia mũthĩnjĩri-Ngai mũnene. (Nda 3:2, 3) Thutha wa kũhumbwo nguo icio, Haruni nĩ aaheirũo nguo iria ciarũgamagĩrĩra ngumo na maũndũ marĩa eehokeirũo wĩra-inĩ wake. Musa aacokire agĩitĩrĩria gĩikaro kĩamũre maguta, hamwe na indo ciakĩo ciothe, na kĩgongona gĩa gũcinĩra igongona rĩa njino, hamwe na kĩraĩ na indo ciothe iria ciahũthagĩrũo hamwe nacio. Ũndũ ũcio watũmire ikorũo irĩ nyamũre, nĩguo ihũthagĩrũo o ũtungata-inĩ wa Ngai tu. Mũthia-inĩ, Musa akĩamũra Haruni na njĩra ya kũmũitĩrĩria maguta mũtwe.—Ala 8:6-12; Tham 30:22-33; Thb 133:2.
it-1 1208 kĩb. 8
Kwamũrũo
Mũthenya wa kanana, thutha wa athĩnjĩri-Ngai gũkorũo mamũrĩtwo na makaheo kĩrĩa gĩothe maabataraga, nĩ maarutire magongona ma mbere (mategũteithĩrĩrio nĩ Musa), makĩnyita itemi rĩa kũhumbĩra mehia ma rũrĩrĩ rwa Isiraeli, rũrĩa rwabataraga gũtherio nĩ ũndũ wa mehia mao ma kwaga gũkinyanĩra na kwaga gwathĩka kwao ũhoro-inĩ wĩgiĩ njaũ ya thahabu, ũndũ ũrĩa watũmĩte Jehova arakario nĩo. (Ala 9:1-7; Tham 32:1-10) Rĩrĩa athĩnjĩri-Ngai acio maahingirie ũtungata wao wa mbere, Jehova nĩ oonanirie atĩ nĩ aametĩkĩrĩte, agĩtũma mwaki na njĩra ya kĩama ũrĩa woimĩte gĩtugĩ-inĩ gĩa itu kĩrĩa kĩarĩ igũrũ rĩa gĩikaro kĩrĩa kĩamũre, ũgĩcina igongona rĩrĩa rĩatigarĩte kĩgongona-inĩ.—Ala 9:23, 24.
Kũmaatha Maũndũ ma Bata Maandĩko-inĩ
it-2 437 kĩb. 3
Musa
Ngai nĩ aamũrire Musa atuĩke mũiguithania wa kĩrĩkanĩro kĩa Watho na Aisiraeli, na warĩ mweke wa mwanya tondũ gũtirĩ mũndũ ũngĩ wagĩĩte naguo maitho-inĩ ma Ngai tiga Jesu Kristo, Mũiguithania wa kĩrĩkanĩro kĩrĩa kĩerũ. Musa ooire thakame ya magongona ma nyamũ akĩminjaminjĩria ibuku rĩa kĩrĩkanĩro, rĩrĩa rĩarũgamagĩrĩra Jehova arĩ “gĩcunjĩ” kĩmwe gĩa kĩrĩkanĩro kĩu, na akĩminjaminjĩria andũ (arĩa maarũgamĩrĩirũo nĩ athuri a Isiraeli) marĩ “gĩcunjĩ” kĩu kĩngĩ gĩa kĩrĩkanĩro. Aathomeire andũ acio ibuku rĩa kĩrĩkanĩro, nao makiuga: “Nĩ twĩhaarĩirie gwĩka ũrĩa wothe Jehova oigĩte, na nĩ tũrĩathĩkaga.” (Tham 24:3-8; Ahi 9:19) Arĩ we mũiguithania, Musa nĩ aagĩire mweke wa kũrũgamĩrĩra wĩra wa gwaka gĩikaro kĩamũre na gũthondeka indo ciakĩo kũringana na mũhaano ũrĩa Ngai aamũheete, na kwamũra athĩnjĩri-Ngai, gũitĩrĩria gĩikaro kĩamũre maguta o hamwe na Haruni mũthĩnjĩri-Ngai mũnene, akĩhũthĩra maguta marĩa maathondeketwo na njĩra ya mwanya. Nĩ aacokire akĩrũgamĩrĩra ũtungata wa mbere Wa athĩnjĩri-Ngai acio maakoretwo maamũrũo.—Tham mũrango wa 25-29; Ala mũrango wa 8, 9.