GATHANDŨKŨ KA ŨRUTANI GA 7B
Ciugo Iria Ihũthĩrĩtwo Mũno Thĩinĩ wa Ibuku rĩa Ezekieli
“Mũrũ wa Mũndũ”
MAKĨRIA MA MAITA 90
Ezekieli etĩtwo “mũrũ wa mũndũ” makĩria ma maita 90. (Ezek. 2:1) Na njĩra ĩyo, Jehova akĩmũririkania atĩ o na gũtuĩka nĩ aahetwo mweke wa mwanya, we no mũndũ. Mabuku-inĩ ma Injiri, Jesu etĩtwo “Mũrũ wa mũndũ” maita ta 80, kuonania atĩ nĩ aatuĩkire mũndũ no ndaarĩ mũraika wĩhumbĩte mwĩrĩ wa andũ.—Mat. 8:20.
“. . . Nĩ Mũkaamenya Atĩ Niĩ nĩ Niĩ Jehova”
MAKĨRIA MA MAITA 50
Makĩria ma maita 50, Ezekieli nĩ aandĩkire ndũmĩrĩri ya Ngai na ciugo ici kana ingĩ ihaanaine nacio: “Nĩ mũkaamenya atĩ niĩ nĩ niĩ Jehova.” (Ezek. 6:7) Ciugo icio cionanagia atĩ Jehova wiki nowe wagĩrĩire kũheo ũthathaiya mũtheru.
“Jehova Mwathani Ũrĩa Mũnene”
MAITA 217
Ciugo “Jehova Mwathani Ũrĩa Mũnene” ihũthĩrĩtwo maita 217, na kwoguo rĩĩtwa rĩa Ngai rĩgatũũgĩrio ũrĩa rĩagĩrĩire na ũndũ ũcio ũgatĩtĩrithia atĩ ũũmbi wothe wagĩrĩirũo kwĩnyihĩria Jehova.—Ezek. 2:4.