Kĩhiko nĩ Ngwatanĩro ya Gũtũũra

Ihiko cia Gĩkristiano iria igaacĩrĩte nĩ itĩithagia Jehova na ikarehera mũthuri na mũtumia gĩkeno. (Mar 10:9) Nĩguo kĩhiko gĩtũũre na gĩkorũo na gĩkeno, Akristiano no mũhaka mahũthĩre motaaro ma Bibilia rĩrĩa marathuura mũndũ wa kũhikania nake.

Ambĩrĩria ndũgũ thutha wa ‘kũhĩtũka ihinda rĩa wĩthĩ,’ tondũ ihinda rĩu merirĩria ma ngomanio makoragwo marĩ na hinya na no matũme wage gũtua matua ma ũũgĩ. (1Ko 7:36) Ũtanaingĩra kĩhiko-inĩ, hũthĩra ihinda rĩu wega na njĩra ya gwĩkĩra hinya ũrata waku hamwe na Ngai na gũkũria ngumo cia Gĩkristiano. Weka ũguo, nĩ ũkaahota kwĩrutanĩria ũrĩa wothe ũngĩhota nĩguo kĩhiko gĩaku kĩgaacĩre.

Ũtanetĩkĩra kũhikania na mũndũ, hũthĩra ihinda rĩiganu kũmenya “mũndũ wa hitho ũrĩa wa ngoro thĩinĩ.” (1Pe 3:4) Ũngĩkorũo na nganja ũndũ-inĩ mũna, no mwarĩrĩrie na ũrĩa ũrenda kũhikania nake. O ta ũrata-inĩ ũngĩ ũrĩa ũngĩgĩa naguo, thĩinĩ wa kĩhiko wagĩrĩirũo gwĩciria makĩria kĩrĩa ũngĩheana gũkĩra kĩrĩa ũkwamũkĩra. (Afi 2:3, 4) Ũngĩhũthagĩra motaaro ma Bibilia ũtanaingĩra kĩhiko-inĩ, ũgũkorũo ũkĩĩigĩra mũthingi wa gũgaakorũo na kĩhiko kĩrĩ na gĩkeno.

WĨRORERE VIDEO YA KWĨHAARĨRIA KŨINGĨRA KĨHIKO-INĨ—GĨCUNJĨ GĨA 3: ‘TARA KĨRĨA ŨRABATARA,’ ŨCOKE ŨCOKIE CIŨRIA ICI:

• Ndũgũ ya mwarĩ wa Ithe witũ na Shane yathiaga na mbere atĩa?

• Nĩ maũndũ marĩkũ oonire o ũrĩa maathiaga makĩmenyanaga?

• Aciari ake maamũteithirie atĩa, na aatuire itua rĩrĩkũ rĩa ũũgĩ?