Ũrĩa ũngĩgunĩka biũ kuumana na wĩruti ũyũ wa Bibilia
Thoma ũhoro ũyũ wa gũtaarĩria ũcoke wĩrorere VIDEO ĩno.
GĨCUNJĨ KĨA MBERE
Ũkĩhaarĩria o ithomo, thoma gĩcunjĩ kĩa mbere. Ciũria iria ciandĩkĩtwo na ndemwa mata (A) hamwe na maandĩko (B) iratĩtĩrithia maũndũ marĩa manene. Maandĩko mamwe nĩ merĩtwo ĩmwe kwa ĩmwe mathomwo.
GĨCUNJĨ GĨA GATAGATĨ
Ciugo cia kwambĩrĩria (C) iria irĩ rungu rwa Thuthuria Makĩria irataarĩria maũndũ marĩa mekwarĩrĩrio gĩcunjĩ-inĩ kĩu. Ciongo nini (D) ironania maũndũ marĩa manene. Thomai hamwe na mwarimũ maandĩko marĩa marĩ ho, mũcokie ciũria, na mwĩrorere video.
Tũthandũkũ twa VIDEO tũrerekeria mũndũ harĩ video kana indo ingĩ cia gũthikĩrĩria iria irĩ na ũhoro makĩria wĩgiĩ ithomo rĩu. Video imwe ironania maũndũ meekĩkire. Ingĩ nacio nĩ cia ngerekano, na kwoguo itironania maũndũ meekĩkire kana andũ manakorũo kuo, no ironania maũndũ mangĩhaanĩka.
Arĩrĩriai ũhoro wa mbica iria cionanĩtio na tũũhoro twa gũtaarĩria mbica (E), na ũrĩa ũngiuga igũrũ rĩgiĩ ũrĩa Andũ Amwe Moigaga (F).
GĨCUNJĨ KĨA MŨICO
O ithomo rĩrarĩkĩrĩra na gacunjĩ ka Ũrĩa Tweruta na Ciũria cia gũcokera (G). Andĩka tarĩki iria warĩkia ithomo. Gacunjĩ ka Geria gwĩka ũũ (H) karonania ũndũ ũngĩka. Nako gacunjĩ ka Rikĩra (I) karĩ na ũhoro makĩria ũngĩthoma kana wĩrorere.
Ũhoro Ũrĩa wĩ Thĩinĩ
|
|
|
|
|
Ũrĩa ũngĩona mĩhari ya Bibilia
Bibilia ĩkoragwo na mabuku 66. Ĩgayanĩtio icunjĩ igĩrĩ: Maandĩko ma Kĩhibirania na Kĩaramu (“Kĩrĩkanĩro Kĩrĩa Gĩkũrũ”) na Maandĩko ma Gĩkristiano ma Kĩngiriki (“Kĩrĩkanĩro Kĩrĩa Kĩerũ”).
Harĩa ũgũkora rĩandĩko thĩinĩ wa ibuku rĩrĩ, rĩonanĩtio na rĩĩtwa rĩa ibuku rĩa Bibilia (A), rĩkarũmĩrĩrũo nĩ mũrango (B), na mũhari kana mĩhari (C).
Kwa ngerekano, Johana 17:3 nĩ ibuku rĩa Johana, mũrango wa 17, mũhari wa 3.