Maũndũ Marĩa Marĩ Thĩinĩ wa Gĩcigo gĩa 7

Gĩcigo gĩkĩ kĩraarĩrĩria ihinda rĩa mĩaka 80 rĩa ũtũũro wa Mũthamaki Saulu na wa Mũthamaki Daudi. Kĩambĩrĩria-inĩ Saulu aarĩ mwĩnyihia na nĩ eetigĩrĩte Ngai, no thutha wa ihinda nĩ aagarũrũkire na akĩrega kũrũmĩrĩra ũtongoria wa Jehova. Jehova nĩ aamũregire na akĩra Samueli aitĩrĩrie Daudi maguta nĩguo atuĩke Mũthamaki thutha wa Saulu. Saulu nĩ aageririe kũũraga Daudi maita maingĩ nĩ ũndũ wa ũiru, no Daudi ndeerĩhĩirie. Jonathani mũrũ wa Saulu nĩ aamenyire atĩ Daudi aathuurĩtwo nĩ Jehova, na nĩ ũndũ ũcio agĩtũũra arĩ mwĩhokeku harĩ Daudi. Daudi nĩ eekire mehia maritũ, no nĩ eetĩkĩrire kũrũngwo nĩ Jehova. Angĩkorũo ũrĩ mũciari, teithia mwana waku one bata wa kũnyitaga mbaru mĩbango ya Jehova hingo ciothe.