Mabuku Marĩa Magwetetwo Thĩinĩ wa “Kabuku ka Mũcemanio wa Ũtũũro na Ũtungata”

Mabuku Marĩa Magwetetwo Thĩinĩ wa Kabuku ka Mũcemanio wa Ũtũũro na Ũtungata

JANŨARĨ 5-11

MŨTHITHŨ KUUMA KIUGO-INĨ KĨA NGAI ISAIA 17-20

“Igai rĩa Arĩa Matũtahaga”

ip-1 198 kĩb. 20

Ũtaaro wa Jehova Kũrĩ Ndũrĩrĩ Ciothe

Maumĩrĩro magaakorũo marĩ marĩkũ? Isaia aaugire ũũ: “Hwaĩ-inĩ kũrĩ na kĩmako. Rũcinĩ gũtanakĩa matirĩ ho rĩngĩ. Rĩu nĩrĩo igai rĩa arĩa matũtahaga na igai rĩa arĩa maiyaga indo citũ.” (Isaia 17:14) Andũ aingĩ maiyaga andũ a Jehova na njĩra ya kũmeka maũndũ moru na kũmagĩra gĩtĩo. Tondũ Akristiano a ma matinyitanagĩra na ndini iria cionagwo irĩ nene thĩinĩ wa thĩ, na o na matiĩriragĩria gwĩka ũguo, andũ monaga arĩ ũndũ mũhũthũ kũmamenereria na kũmokĩrĩra. No andũ a Jehova nĩ makoragwo na ma atĩ “rũcinĩ” rwao, rĩrĩa mĩnyamaro yao ĩgaathira, nĩ rũkuhĩrĩirie.—2 Athesalonike 1:6-9; 1 Petero 5:6-11.

Kũmaatha Maũndũ ma Bata Maandĩko-inĩ

w06 12/1 11 kĩb. 1

Matemo Kuuma Ibuku-inĩ rĩa Isaia—I

20:2-5—Hihi Isaia aathiaga arĩ njaga biũ kwa ihinda rĩa mĩaka ĩtatũ? No kũhoteke Isaia aarutire o nguo ya igũrũ tu na aathiaga “arĩ na nguo o ya thĩinĩ.”—1 Samueli 19:24, kohoro ka magũrũ-inĩ.

JANŨARĨ 12-18

MŨTHITHŨ KUUMA KIUGO-INĨ KĨA NGAI ISAIA 21-23

Kũmaatha Maũndũ ma Bata Maandĩko-inĩ

w06 12/1 11 kĩb. 2

Matemo Kuuma Ibuku-inĩ rĩa Isaia—I

21:1—Nĩ gĩcigo kĩrĩkũ gĩtagwo “werũ wa iria”? Bũrũri wa Babuloni nĩ wĩtagwo ũguo o na gũtuĩka ndwarĩ hakuhĩ na iria. Gĩtũmi nĩ tondũ o mwaka, njũĩ cia Farati na Tigirisi nĩ ciaunaga, maĩ makaraha gĩcigo-inĩ kĩu magathondeka iria.

JANŨARĨ 26–FEBRUARĨ 1

MŨTHITHŨ KUUMA KIUGO-INĨ KĨA NGAI ISAIA 28-29

Goocithia Jehova Kũgerera Mĩromo Yaku na Ngoro Yaku

ip-1 299 kĩb. 23

Isaia Kũratha Ũhoro wa “Maũndũ ma Magegania” ma Jehova

Atongoria a ndini a Juda maaugaga atĩ maarĩ na ũũgĩ maũndũ-inĩ ma kĩĩroho, no nĩ maatigĩte Jehova. Maarutanaga mawoni mao mahĩtanu megiĩ ũndũ ũrĩa mwega na ũrĩa mũũru, nĩgetha mahithĩrĩre maũndũ moru marĩa meekaga, marĩa maatũmaga andũ mage gwĩtĩkĩrĩka harĩ Ngai. Kũgerera “maũndũ ma magegania,” Jehova nĩ angĩamatuĩrĩire nĩ ũndũ wa ũhinga wao. Aaugire ũũ: “Andũ aya mokaga kũrĩ niĩ na tũnua twao na maheaga gĩtĩo na mĩromo yao, no ngoro ciao irĩ kũraya na niĩ; na gwĩtigĩra kũrĩa manjĩtigĩrĩte nakuo kuumanaga na maathani ma andũ marĩa marutĩtwo. Nĩ ũndũ ũcio, niĩ nĩ niĩ ngeeka o rĩngĩ maũndũ ma magegania harĩ andũ aya, maũndũ ma kũgegania, o ma kũgegania; na ũũgĩ wa andũ ao arĩa ogĩ nĩ ũgaathira, na ũtaũku wa andũ ao arĩa ogĩ ũhithwo.” (Isaia 29:13, 14) Ũũgĩ na ũtaũku ũrĩa andũ a Juda meethondekeire nĩ ũngĩathirire rĩrĩa Jehova angĩahũthĩrire Babuloni kũniina ũregenyũki wao. O na karine-inĩ ya mbere atongoria a Ayahudi arĩa meeyonaga marĩ ogĩ nĩ maahĩtithagia andũ, na ũũgĩ wao o naguo nĩ waniinirũo. O na mahinda-inĩ maya, nĩ gũgaathiĩ ũguo harĩ ndini cia maheeni.—Mathayo 15:8, 9; Aroma 11:8.

Kũmaatha Maũndũ ma Bata Maandĩko-inĩ

it “Ariel” kĩb. 1; it “Ariel” Na. 3

Arieli

(Arieli) [Riiko rĩa Kĩgongona rĩa Ngai; kana, Mũrũthi wa Ngai].

3. Nĩ rĩĩtwa rĩa mũhaano rĩhũthĩrĩtwo kũrũgamĩrĩra Jerusalemu thĩinĩ wa Isaia 29:1, 2, 7. Jerusalemu nĩkuo hekarũ ya Ngai yakoragwo, na kũu hekarũ-inĩ nĩkuo kwarĩ na kĩgongona gĩa kũrutĩra magongona. Nĩ ũndũ ũcio, itũũra rĩu nĩ rĩngĩetirũo riiko rĩa kĩgongona rĩa Ngai. Ningĩ itũũra-inĩ rĩu nĩkuo maũndũ megiĩ ũthathaiya mũtheru wa Jehova maabatiĩ gwĩkagĩrũo. O na kũrĩ ũguo, ndũmĩrĩri ĩrĩa ĩrĩ thĩinĩ wa Isaia 29:1-4 yarĩ ya kũmakania, na yoonanagia ũrathi wĩgiĩ kwanangwo kwa Jerusalemu nĩ Ababuloni mwaka wa 607 M.M.M. Hĩndĩ ĩyo, itũũra rĩu rĩngĩatuĩkire “riiko rĩa kĩgongona rĩa Ngai” na njĩra ĩngĩ. Nĩ rĩngĩaiyũrire thakame, rĩcinwo na mwaki, na rĩiyũre mĩĩrĩ ya arĩa mangĩaniinirũo nĩ mwaki ũcio. Maũndũ marĩa mangĩatũmire rĩkorũo nĩ mwanangĩko ũcio nĩ magwetetwo kuuma mũhari wa 9 nginya wa 16. No Isaia 29:7, 8 yonanagia atĩ muoroto wa ndũrĩrĩ iria ingĩaniinire Jerusalemu ndũngĩahingire.

FEBRUARĨ 2-8

MŨTHITHŨ KUUMA KIUGO-INĨ KĨA NGAI ISAIA 30-32

Etha Mwĩgitio Rungu rwa Mathagu ma Jehova

w01 11/15 16 kĩb. 7

Jehova Nĩwe Mwĩgitio Witũ

Tondũ Jehova nĩwe mwĩgitio witũ, nĩ tũũmagĩrĩrio nĩ ciugo ici: “Nĩ arĩkũhumbagĩra na njoya ciake, na rungu rwa mathagu make nĩho ũrĩũragĩra. Wĩhokeku wake ũrĩkoragwo ũrĩ ngo nene na rũthingo rwa kũgitĩra.” (Thaburi 91:4) Ngai atũgitagĩra o ta ũrĩa nyoni ĩgitagĩra tũcui twayo. (Isaia 31:5) ‘Atũhumbagĩra na njoya ciake nĩguo tũtigakinyĩrĩke.’ Kiugo “njoya” no kĩonanie mathagu ma nyoni. Nyoni ĩhumbagĩra tũcui twayo namo, ĩgatũgitĩra kuumana na thũ. O ta tũcui tũu, tũkoragwo na ũgitĩri rungu rwa mathagu ma Jehova ma mũhaano, tondũ nĩ twethete mwĩgitio thĩinĩ wa ithondeka rĩake.—Ruthu 2:12; Thaburi 5:1, 11.

FEBRUARĨ 9-15

MŨTHITHŨ KUUMA KIUGO-INĨ KĨA NGAI ISAIA 33-35

“Nĩwe Ũtũmaga Mahinda Maku Makorũo Marũmĩte Wega”

ip-1 352-355 kĩb. 21-22

“Gũtirĩ Mũikari Wakuo Ũkoiga: ‘Ndĩ mũrwaru’”

Ũrathi ũcio wa Isaia nĩ ũrahinga nginya mahinda-inĩ maya. Andũ a Jehova ũmũthĩ nĩ marakenera kũhonio na njĩra ya kĩĩroho. Nĩ makũũrĩtwo kuuma harĩ morutani ma maheeni ta, atĩ muoyo ndũkuaga, Ũtatũ, na mwaki wa icua. Nĩ maheagwo ũtongoria wĩgiĩ mĩtugo, magethema mĩtugo ya waganu na makahota gũtua matua mega. Na nĩ ũndũ wa igongona rĩa ũkũũri rĩa Jesu Kristo, nĩ makoragwo na ũrata mwega na Ngai na magakenera gũkorũo na thamiri theru. (Akolosai 1:13, 14; 1 Petero 2:24; 1 Johana 4:10) Kũhonio kũu gwa kĩĩroho nĩ kũrĩ moguni mangĩ. Kwa ngerekano, gwĩthema ngomanio itagĩrĩire na kũhũthĩra indo ta thigara, nĩ kũgitagĩra Akristiano kuumana na mĩrimũ ya kũgwatanio na mĩrimũ ta ya kansa.—1 Akorintho 6:18; 2 Akorintho 7:1.

Makĩria ma ũguo, ciugo cia Isaia 33:24 nĩ ikaahinga na njĩra nene thutha wa Hari–Magedoni, thĩinĩ wa thĩ njerũ. Rungu rwa Ũthamaki wa Kĩĩmesia, andũ nĩ makaahonio mĩrimũ yothe na mahonio na njĩra ya kĩĩroho. (Kũguũrĩrio 21:3, 4) Ihinda inini thutha wa mũtabarĩre wa Shaitani kũniinwo, ciama ta iria Jesu aaringaga rĩrĩa aarĩ gũkũ thĩ nĩ igeekĩka thĩinĩ wa thĩ yothe. Andũ arĩa atumumu nĩ makoona, arĩa mataiguaga maigue, na arĩa mathuaga nĩ makaahota gũthiĩ. (Isaia 35:5, 6) Ũndũ ũcio nĩ ũkaahotithia arĩa othe makaahonoka thĩna ũrĩa mũnene kũnyitanĩra harĩ wĩra wa gũtua thĩ paradiso.

FEBRUARĨ 16-22

MŨTHITHŨ KUUMA KIUGO-INĨ KĨA NGAI ISAIA 36-37

“Ndũgetigĩre Tondũ wa Ciugo Icio Ũiguĩte”

it “Hezekiah” Na. 1 kĩb. 14

Hezekia

Senakeribu Kwaga Gũtooria Jerusalemu. O ta ũrĩa Hezekia eeciragĩria, Senakeribu nĩ aatuĩte itua rĩa gũtharĩkĩra Jerusalemu. Rĩrĩa Senakeribu na mbũtũ nene ya thigari ciake maathiũrũrũkĩirie itũũra inene na rĩarĩ hinya rĩa Lakishi, nĩ aatũmire thigari imwe ciake na atongoria amwe ake mathiĩ makeere Hezekia etĩkĩre kũneana Jerusalemu. Ũrĩa waaragia handũ-inĩ ha gĩkundi kĩu aarĩ Rabishake (rĩu tirĩo rĩarĩ rĩĩtwa rĩake, no rĩarĩ rĩĩtwa rĩa kĩĩwĩra), na nĩ ooĩ kwaria Kĩhibirania wega. Nĩ aanyũrũririe Hezekia o hamwe na Jehova aanĩrĩire, na akiuga atĩ Jehova ndangĩahotire kũhonokia Jerusalemu, o ta ũrĩa ngai cia ndũrĩrĩ icio ingĩ itaahotete kũhonokia athathaiya a cio kuuma kũrĩ mũthamaki wa Ashuri.—2Ath 18:13-35; 2Ma 32:9-15; Isa 36:2-20.

ip-1 387 kĩb. 10

Wĩtĩkio wa Mũthamaki nĩ Warathimirũo

Thutha ũcio Rabishake eerire Ayahudi atĩ thigari ciao ciarĩ nini mũno iringithanĩtio na cia Ashuri. Aaugire ũũ arĩ na mwĩtĩo: “Nĩ ngũkũhe mbarathi 2,000 angĩkorũo no ũhote kuona andũ a gũcitwarithia.” (Isaia 36:8) No rĩrĩ, hihi nĩ kwamakanagia kana thigari cia Juda iria ciamenyeretio ciarĩ nyingĩ kana nini? Aca, tondũ ũhonokio wa Juda ndũngĩaumanire na hinya wa mbutu yao. Thimo 21:31 yugaga ũũ: “Mbarathi nĩ ĩhaaragĩrio nĩ ũndũ wa mũthenya wa mbaara, no ũhonokio nĩ wa Jehova.” Rabishake aacokire akiuga atĩ Jehova aarathimaga Aashuri, no ti Ayahudi. Na akiuga atĩ korũo tiguo, Aashuri matingĩahotete gũtaha matũũra maingĩ ũguo ma Juda.—Isaia 36:9, 10.

ip-1 388 kĩb. 13-14

Wĩtĩkio wa Mũthamaki nĩ Warathimirũo

Harĩ ũndũ ũngĩ Rabishake eerire Ayahudi nĩguo metigĩre. Aamerire atĩ matikareke Hezekia amahĩtithie akĩmeera ũũ: “Jehova nĩ egũtũhonokia.” Aacokire akĩmaririkania atĩ ngai cia Samaria itiahotire kũhonokia mĩhĩrĩga ĩrĩa ikũmi ndĩgatoorio nĩ Aashuri. Ĩ hihi nacio ngai cia mabũrũri mangĩ marĩa Ashuri yatooretie? Aamoririe ũũ: “Irĩ kũ ngai cia Hamathu na Aripadi? Irĩ kũ ngai cia Sefarivaimu? Na hihi nĩ ihotete kũhonokia Samaria kuuma guoko-inĩ gwakwa?”—Isaia 36:18-20.

Ũrĩa kũrĩ nĩ atĩ, Rabishake, ũrĩa warĩ mũthathaiya wa ngai cia maheeni, ndaataũkagĩrũo atĩ haarĩ na ngũrani nene gatagatĩ ka andũ a Samaria arĩa maaremeire Ngai, na andũ a Jerusalemu arĩa maatongoragio nĩ Hezekia. Ngai cia maheeni cia Samaria itiarĩ na hinya wa kũhonokia ũthamaki wa mĩhĩrĩga ĩrĩa ikũmi. (2 Athamaki 17:7, 17, 18) Ngũrani na mĩhĩrĩga ĩyo, Jerusalemu ĩgĩtongorio nĩ Hezekia, nĩ yatigĩte gũthathaiya ngai cia maheeni, na ĩgacokerera Jehova. O na kũrĩ ũguo, atongoria atatũ a Juda arĩa maatũmĩtwo matiatindire magĩtaarĩria Rabishake ũndũ ũcio. “Ĩndĩ magĩkira ki na matiamũcokeirie kiugo o na kĩmwe, tondũ mũthamaki aathanĩte ũũ, ‘Mũtikamũcokerie ũndũ.’” (Isaia 36:21) Kwoguo Eliakimu, Shebina, na Joa, magĩcoka kũrĩ Hezekia na makĩmũmenyithia ciugo cia Rabishake.—Isaia 36:22.

Kũmaatha Maũndũ ma Bata Maandĩko-inĩ

it “Bridle” kĩb. 4

Mĩkwa

Jehova eerire Mũthamaki Senakeribu wa Ashuri ũũ: “Nĩ ngeekĩra gĩcũhĩ gĩakwa iniũrũ-inĩ rĩaku na njĩkĩre mĩkwa yakwa gatagatĩ-inĩ ka mĩromo yaku, na nĩ ngaatũma ũcokere njĩra ĩrĩa wokĩire.” (2Ath 19:28; Isa 37:29) Kũgerera hinya wa Jehova, no ti kũringana na wendi wa Senakeribu, Senakeribu ndahotire gũtaha itũũra rĩa Jerusalemu, no aacokire Nineve, kũrĩa thutha ũcio ooragĩirũo nĩ ariũ ake. (2Ath 19:32-37; Isa 37:33-38) Jehova gwĩkĩra mĩkwa thĩa-inĩ cia thũ ciake, kũronania atĩ nĩwe ũngĩgacitongoria, o ta ũrĩa nyamũ itongoragio ciohetwo na mĩkwa.—Isa 30:28.

FEBRUARĨ 23–MACHI 1

MŨTHITHŨ KUUMA KIUGO-INĨ KĨA NGAI ISAIA 38-40

Kũmaatha Maũndũ ma Bata Maandĩko-inĩ

ip-1 400 kĩb. 7

“Ũmĩrĩriai Andũ Akwa”

Ũrathi ũyũ ndwahingire o rĩrĩa Aisiraeli maacokire kuuma Babuloni. Nĩ wahingire nginya karine-inĩ ya mbere mahinda maitũ. Johana Mũbatithania nĩwe warĩ mũgambo wa “mũndũ ũranĩrĩra werũ-inĩ,” na kwoguo akĩhingia ũrathi wa Isaia 40:3. (Luka 3:1-6) Johana aatongoririo nĩ roho mũtheru kuuga atĩ nĩwe wahingirie ũrathi ũcio wa Isaia. (Johana 1:19-23) Mwaka wa 29 M.M. nĩrĩo Johana aambĩrĩirie kũhaarĩria njĩra nĩ ũndũ wa Jesu Kristo. Ndũmĩrĩri ya Johana nĩ yatũmire andũ magĩe na wendi wa gũcaria Mesia nĩgetha mamũthikĩrĩrie na mamũrũmĩrĩre. (Luka 1:13-17, 76) Kũgerera Jesu, Jehova nĩ angĩateithirie andũ arĩa meerirĩte kũgĩa na wĩyathi ũrĩa uumanaga na Ũthamaki wa Ngai tu, wa gũkũũrũo kuuma mehia-inĩ na gĩkuũ-inĩ. (Johana 1:29; 8:32) Ningĩ ũrathi wa Isaia nĩ wahingire na njĩra nene rĩrĩa Aisiraeli a kĩĩroho maakũũrirũo kuuma kũrĩ Babuloni Ũrĩa Mũnene mwaka wa 1919 na magĩcokio ũthathaiya-inĩ wa ma.