Morathi Megiĩ ‘Mahĩndĩ Momũ’ na ‘Aira Erĩ’—Makonainie Atĩa?

MWAKA-INĨ wa 1919 nĩ harĩ morathi merĩ makonainie maahingire: ũmwe wĩgiĩ ‘mahĩndĩ momũ,’ naguo ũcio ũngĩ wĩgiĩ ‘aira erĩ.’ Kĩoneki kĩgiĩ ‘mahĩndĩ momũ’ kĩarathĩte ũhoro wa ihinda iraihu mũno (rĩrĩa rĩacokire gũtuĩka mĩaka magana maingĩ) rĩrĩa rĩarĩkĩrĩirie na gũcokio muoyo gwa gĩkundi kĩnene kĩa andũ a Ngai. (Ezek. 37:2-4; Kũg. 11:1-3, 7-13) Ũrathi wĩgiĩ ‘aira erĩ’ ũtaaragĩria ihinda ikuhĩ (rĩrĩa rĩahingire kuuma mũthia-inĩ wa 1914 nginya kĩambĩrĩria kĩa 1919) rĩrĩa rĩarĩkĩrĩirie na gũcokio muoyo gwa gakundi kanini ka ndungata cia Ngai. Morathi macio merĩ maarũgamagĩrĩra kũriũka kwa mũhaano, na morathi macio merĩ nĩ maahingire mahinda-inĩ maya mwaka wa 1919 rĩrĩa Jehova aatũmire arĩa aitĩrĩrie maguta ‘merũgamie na magũrũ’ mao, moime ithamĩrio thĩinĩ wa Babuloni Ũrĩa Mũnene, na macokanĩrĩrio thĩinĩ wa kĩũngano kĩrĩa gĩacoketio.—Ezek. 37:10.

O na kũrĩ ũguo, nĩ harĩ ngũrani ĩmwe ya bata ĩgiĩ kũhinga kwa morathi macio merĩ. Ũrathi wĩgiĩ ‘mahĩndĩ momũ’ wakoniĩ gũcokio muoyo kwa arĩa othe aitĩrĩrie maguta maatigarĩte gũkũ thĩ. No ũrathi wĩgiĩ ‘aira erĩ’ wakoniĩ gũcokio muoyo kwa aitĩrĩrie maguta amwe arĩa maatigarĩte gũkũ thĩ—arĩa maatongoragia thĩinĩ wa ithondeka, o acio maamũrirũo magĩtuĩka “ngombo ĩrĩa njĩhokeku na njũgĩ.”—Mat. 24:45; Kũg. 11:6.a

“Mũkuru Mwaraganu  . . . Waiyũire Mahĩndĩ”—Ezek. 37:1

1. THUTHA WA 100 M.M.

   Kuuma karine ya kerĩ Mahinda Maitũ gũthiĩ na mbere rĩrĩa kĩũngano kĩa Akristiano aitĩrĩrie maguta kĩoragirũo na njĩra ya mũhaano, “mũkuru mwaraganu” nĩ waiyũrire “mahĩndĩ”

2. KĨAMBĨRĨRIA KĨA 1919

   1919: ‘Mahĩndĩ macio momũ’ maacokire muoyo rĩrĩa Jehova aatũmire arĩa othe aitĩrĩrie maguta moime Babuloni Ũrĩa Mũnene na macokanĩrĩrio thĩinĩ wa kĩũngano kĩrĩa gĩacoketio

‘Aira Erĩ’—Kũg. 11:3

1. MŨTHIA-INĨ WA 1914

   kũhunjia “mehumbĩte nguo cia makũnia”

   1914: ‘Aira acio erĩ’ maahunjirie “mehumbĩte nguo cia makũnia” kwa ihinda rĩa mĩaka ĩtatũ na nuthu. Mũthia-inĩ wa ihinda rĩu, nĩ mooragirũo na njĩra ya mũhaano

2. gĩkuũ kĩa mũhaano

3. KĨAMBĨRĨRIA KĨA 1919

   1919: ‘Aira acio erĩ’ maacokire muoyo rĩrĩa gakundi kanini ka ariũ a Ithe witũ aitĩrĩrie maguta arĩa maatongoragia thĩinĩ wa ithondeka maamũrirũo nĩguo matungate marĩ “ngombo ĩrĩa njĩhokeku na njũgĩ”