GATHANDŨKŨ KA ŨRUTANI GA 18A
Mĩkaana ya Jehova Ĩgiĩ Mbaara Nene Ĩrĩa Ĩroka
Bibilia nĩ ĩkoragwo na morathi maingĩ marĩa maheanaga mĩkaana ĩgiĩ mbaara ya mũthia ĩrĩa Jehova akaahũthĩra kũniina arĩa othe mamũkararagia na magakararia andũ ake. Morathi maya magwetetwo haha nĩ mamwe mamo. Rora wone maũndũ marĩa mahaanaine harĩ mĩkaana ĩyo, na wone atĩ Jehova atigĩrĩire atĩ andũ othe nĩ magĩa na mweke wa kũigua mĩkaana ĩyo na kuoya ikinya.
MATUKŨ MA ISIRAELI YA TENE
EZEKIELI: “‘Nĩ ngaarehe rũhiũ rwa njora rũũkĩrĩre Gogu kũu irĩma-inĩ ciakwa ciothe,’ ũguo nĩguo Jehova Mwathani Ũrĩa Mũnene oigĩte.”—Ezek. 38:18-23.
JEREMIA: “[Jehova] we mwene nĩwe ũgaatuĩra andũ othe ciira. Na nĩ akaaniina arĩa aganu na rũhiũ rwa njora.”—Jer. 25:31-33.
DANIELI: “Ngai wa igũrũ nĩ akaahanda ũthamaki ũrĩa . . . ũkaamemenda na ũniine mothamaki macio mothe.”—Dan. 2:44.
KARINE YA MBERE MAHINDA MAITŨ
JESU: “Nĩ gũkaagĩa na thĩna mũnene ũtarĩ woneka kuuma kĩambĩrĩria gĩa thĩ.”—Mat. 24:21, 22.
PAULO: “Jesu . . . arĩ hamwe na araika ake marĩ hinya . . . agooka kwĩrĩhĩria harĩ andũ arĩa matoĩ Ngai.”—2 Thes. 1:6-9.
PETERO: “Mũthenya wa Jehova ũgooka o ta mũici, . . . nayo thĩ na mawĩra marĩa marĩ thĩinĩ wayo maguũrio.”—2 Pet. 3:10.
JOHANA:‘Kanua-inĩ ka Jesu hacomokete rũhiũ rwa njora rũraihu na rũũgĩ, rwa kũhũũra ndũrĩrĩ.’—Kũg. 19:11-18.
MAHINDA MAYA
Bibilia nĩrĩo ibuku rĩrĩa rĩtaũrĩtwo mũno na rĩgakinyĩra andũ aingĩ makĩria gũkĩra ibuku rĩngĩ o rĩothe
NDUNGATA CIA JEHOVA CIA MAHINDA MAYA . . .
Nĩ iheanaga kobĩ bilioni nyingĩ cia mabuku ma kwarĩrĩria Bibilia na thiomi magana maingĩ
Nĩ ihũthagĩra mathaa milioni nyingĩ o mwaka wĩra-inĩ wa kũhunjia
Coka Gĩcunjĩ-inĩ gĩa 18, Kĩbungo gĩa 13, 14