GATHANDŨKŨ KA ŨRUTANI GA 20A
Kũgaywo kwa Bũrũri
Gũtaarĩrio wega kwa ithimi cia mĩhaka gwatũmire andũ arĩa maarĩ ithamĩrio makorũo na ma atĩ bũrũri wao ũrĩa meendete hatarĩ nganja nĩ ũngĩacokirio. Nĩ maũndũ marĩkũ tũngĩĩruta kuumana na kĩoneki kĩu ũmũthĩ? Ta wĩcirie ũhoro wa maũndũ merĩ megiĩ kĩoneki kĩu:
Gũkorũo na Handũ na Wĩra wa Bata
Andũ othe arĩa mangĩacokire kuuma ithamĩrio nĩ mangĩaheirũo igai thĩinĩ wa Bũrũri wa Kĩĩranĩro ũrĩa wacoketio. O na ũmũthĩ, ndungata ciothe cia Jehova nĩ ikoragwo na handũ thĩinĩ wa paradiso ya kĩĩroho. Gũtekũmakania itemi rĩrĩa tũkoragwo narĩo thĩinĩ wa ithondeka, hatarĩ nganja ithuothe nĩ tũkoragwo na handũ na wĩra wa bata thĩinĩ wa bũrũri wa kĩĩroho. Jehova onaga ndungata ciake ciothe irĩ cia goro.
Icunjĩ Ciganaine
Kĩoneki-inĩ kĩa Ezekieli, o gĩcigo thĩinĩ wa Bũrũri wa Kĩĩranĩro ũrĩa wacoketio nĩ kĩahotithagia aikari a kĩo kũgunĩka na njĩra ĩhaanaine kuumana na maciaro maingĩ ma bũrũri ũcio. O na ũmũthĩ, Jehova nĩ ateithagia ndungata ciake ciothe kũgunĩka na njĩra ĩhaanaine kuumana na irathimo cia paradiso ya kĩĩroho.